ബാക്കിപത്രം

അർദ്ധരാവിന്റെ ബാക്കിപത്രം

ആറിത്തണുത്തിരിക്കുന്നു, ഞാനായ്‌.

നിന്റെ പ്രേമാഗ്നിയണഞ്ഞൊടുക്കം, പുലർ-

വെട്ടമേറ്റുറക്കച്ചടവോടെയേൽക്കവെ,

ഇന്നലത്തെ പുകഞ്ഞ കൊളളിതൻ

ബാക്കിപത്രം ചവറ്റുകുട്ടയിൽ

ചത്തിരിക്കുന്നു, ചാവാതെ ഞാനായ്‌….

ചോറ്റുപാത്രം നിറച്ചിറങ്ങിയ

ബാല്യകാലക്കളിക്കൂട്ടൊടുക്കം

മാറ്റി വച്ചൊഴിഞ്ഞ പാത്രത്തിൽ

ഞാനിരിക്കുന്നു ബാക്കിവറ്റായ്‌….

പെയ്തുപെയ്‌തൊഴിഞ്ഞ ത്‌ലാമഴ-

ത്താളമാറി, കനത്തിരുട്ടത്ത്‌

അങ്ങുമിങ്ങും ഉറന്നിറുന്നീടും

തുളളികൾപോലെ ഞാനിരിക്കുന്നു…

പൂത്തു പൂത്തുൽസവക്കാലം കൊഴി-

ഞ്ഞങ്കണക്കോണിൽ മണംപോയ

പുഷ്പയൗവ്വനസ്‌മൃതിലയത്തിന്റെ

ബാക്കിപത്രമായ്‌ ഞാൻ കൊഴിയുന്നു…

ഓടിയോടിപ്പതിപ്പിച്ച പാദ-

മുദ്രതന്നൊടുക്കത്തെ വടുക്കളിൽ

അന്ത്യകാലത്തണുപ്പുമായ്‌ നിറം-

കെട്ടിരിക്കുന്നു, ഞാനിരിക്കുന്നു.

Generated from archived content: poem1_jan27.html Author: sreekrishnadas_mathur

അഭിപ്രായങ്ങൾ

അഭിപ്രായങ്ങൾ

SHARE
Previous articleഞാനും നീയും…
Next articleപെരുമഴയത്ത്‌
Avatar
പത്തനംതിട്ടയിലെ മാത്തൂർ ഗ്രാമത്തിൽ ജനിച്ചു. മാതാവ്‌ഃ ശ്രീമതി ഇന്ദിരാമ്മ, പിതാവ്‌ഃഃ ശ്രീ ജനാർദ്ദനൻ നായർ. പ്രവാസപ്രദക്ഷിണവഴിയിലും കവിത കൂടെ കൂട്ടിയിരിക്കുന്നു. ഇപ്പോൾ മദ്രാസിൽ ഒരു സ്വകാര്യസ്ഥാപനത്തിൽ ജോലിചെയുന്നു. തപാൽ ഃ ശ്രീകൃഷ്ണദാസ്‌ മാത്തൂർ, ചെറുവള്ളിൽ വീട്‌, മാത്തൂർ തപാൽ, പത്തനംതിട്ട-689657, ഫോൺഃ 0468-2354572. ബ്ലോഗ്‌ഃ www.mathooram.blogspot.com ഇ-മെയിൽഃ s.mathoor@rediffmail.com Address: Phone: 09940556918

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English