രണ്ടുകവിതകൾ

മാപ്പ്‌

മരം പെയ്യേണമെങ്കിലതിൻ മുമ്പേ മഴ പെയ്യേണമതുകൊണ്ടുതാനല്ലോ മരിച്ചിടുന്നതിൻ മുമ്പെയായി ഞാൻ ജനിച്ചു ജീവിച്ചു മാപ്പാക്കീടുക.

കാതിൽ നിന്നു മനസ്സിലേക്കുളെളാരു വേരുതോറും പടർന്നു വ്യാപിക്കുന്നു കുഞ്ഞായ കാലത്തിലൊക്കെയുമമ്മ- യുളളം കലങ്ങിയൊഴുക്കിയ വാക്കുകൾ.

കരഞ്ഞേ ജനിക്കണം, ചിരിച്ചു ജീവിക്കണം ഉറക്കെ ചിന്തിക്കണം മിണ്ടാതെ മരിക്കണം.

ഡിഗ്രി അളവിലെ കാഴ്‌ചകൾ

ചില കാഴ്‌ചകൾക്ക്‌ പൗരുഷത്തിന്റെ മട്ടകോൺ, ചിലപ്പോൾ, എന്നും, വരികൾക്കിടയിൽ മാത്രം വായിക്കപ്പെട്ടുവരുന്ന സ്‌ത്രീത്വത്തിന്റെ ബൃഹത്‌കോൺ പലപ്പോഴും കണ്ണടച്ചുപോകുമ്പോൾ കാഴ്‌ചകൾ നപുംസകത്തിന്റെ ന്യൂനകോണിലൂടാവുന്നു.

Generated from archived content: poem2_dec28_05.html Author: sivaprasd_palod

അഭിപ്രായങ്ങൾ

അഭിപ്രായങ്ങൾ

SHARE
Previous articleഗാന്ധി മരിച്ചതു നന്നായി!
Next articleകുറുങ്കവിതകൾ
ശിവപ്രസാദ്‌ പാലോട്‌
1975 ൽ പാലക്കാട് ജില്ല തച്ചനാട്ടുകരയിൽ ജനനം.1995 മുതൽ വിവിധ ആനുകാലികങ്ങളിൽ സൃഷ്ടികൾ പ്രസിദ്ധീകരിച്ചു വരുന്നു. ഡോ പദ്മ തമ്പാട്ടി ഇംഗ്ലീഷിലേക്ക് തർജമ ചെയ്ത കവിതകൾ കേന്ദ്ര സാഹിത്യ അക്കാദമി ജേർണൽ, മ്യൂസ് ഇന്ത്യ ഓൺലൈൻ ജേർണൽ എന്നിവയിൽ പ്രസിദ്ധീകരിച്ചു. സ്ട്രീറ്റ് വോയ്സ് എന്ന ജർമൻ ജേർണലിൽ ജർമൻ ഭാഷയിലേക്ക് കവിതകൾ തർജമ ചെയ്യപ്പെട്ട് പ്രസിദ്ധീകരിച്ചിരുന്നു. കുണ്ടൂർക്കുന്ന് വി പി എ യു പി സ്കൂൾ അധ്യാപകനായി ജോലി ചെയ്യുന്നു വിലാസംഃ ശിവപ്രസാദ്‌ പാലോട്‌, കുന്നത്ത്‌, പാലോട്‌ പി.ഒ., മണ്ണാർക്കാട്‌ കോളേജ്‌, പാലക്കാട്‌. Post Code: 678 583 Phone: 9249857148

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English