മലയാളം ഹെക്കു കവിതകള്‍

1
പലപ്പോഴും
മൗനം പ്രസവിക്കുന്നത്
ചാപിള്ളയാണ്

2
അടയിരിക്കുമ്പോള്‍
വിശപ്പറിഞ്ഞില്ല ,
അങ്ങാടിക്കുരുവി

3
അലയുന്നു
നിറവയറുമായി
പിഴച്ച മേഘം

4
വെറുംകയ്യോടെത്തി
വെള്ളം തേടിപ്പോയ
വേരുകള്‍

5
തിരികെ
വന്നപ്പോഴേക്കും
അവളൊരു മരുഭൂമി

6
ഉന്മാദിയെ
നക്ഷത്രങ്ങളെ കാണിച്ചു
പ്രലോഭിപ്പിക്കരുത്

7

പഞ്ഞപ്ലാവില
കോട്ടി മോന്തിയിന്നും
കണ്ണീര്‍ക്കഞ്ഞി

8
ഇടവഴിയി_
ലിണ നാഗങ്ങള്‍ ,
വിസ്മൃതലോകം

9
കൊക്കും
ഒരു സൂഫിയായിരുന്നു ,
ഇരയെ കിട്ടും വരെ

10
പണയം വച്ച
കിനാവുകള്‍ക്കൊക്കെയും
പിഴപ്പലിശ

11
പളുങ്ക് പാത്രം ,
കടലാഴം തേടി
മത്സ്യസ്വപ്നം

12
നിലാപ്പാലില്‍
കുളിച്ചു കയറുന്നു
രാ സുന്ദരി

13
ആദ്യാനുരാഗം ,
വെളിപ്പെട്ട മുഹൂര്‍ത്തം
ലാവാപ്രവാഹം

Generated from archived content: poem1_jan8_13.html Author: sivaprasd_palod

അഭിപ്രായങ്ങൾ

അഭിപ്രായങ്ങൾ

SHARE
Previous articleഗീതം എണ്‍പത്തിയെട്ട്
Next articleനദികളെ രക്ഷിക്കുക
ശിവപ്രസാദ്‌ പാലോട്‌
1975 ൽ പാലക്കാട് ജില്ല തച്ചനാട്ടുകരയിൽ ജനനം.1995 മുതൽ വിവിധ ആനുകാലികങ്ങളിൽ സൃഷ്ടികൾ പ്രസിദ്ധീകരിച്ചു വരുന്നു. ഡോ പദ്മ തമ്പാട്ടി ഇംഗ്ലീഷിലേക്ക് തർജമ ചെയ്ത കവിതകൾ കേന്ദ്ര സാഹിത്യ അക്കാദമി ജേർണൽ, മ്യൂസ് ഇന്ത്യ ഓൺലൈൻ ജേർണൽ എന്നിവയിൽ പ്രസിദ്ധീകരിച്ചു. സ്ട്രീറ്റ് വോയ്സ് എന്ന ജർമൻ ജേർണലിൽ ജർമൻ ഭാഷയിലേക്ക് കവിതകൾ തർജമ ചെയ്യപ്പെട്ട് പ്രസിദ്ധീകരിച്ചിരുന്നു. കുണ്ടൂർക്കുന്ന് വി പി എ യു പി സ്കൂൾ അധ്യാപകനായി ജോലി ചെയ്യുന്നു വിലാസംഃ ശിവപ്രസാദ്‌ പാലോട്‌, കുന്നത്ത്‌, പാലോട്‌ പി.ഒ., മണ്ണാർക്കാട്‌ കോളേജ്‌, പാലക്കാട്‌. Post Code: 678 583 Phone: 9249857148

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English