ആത്മരക്ഷാർത്ഥം

വാക്കുകൾക്ക്‌

ചില ഇടവഴികളുണ്ട്‌..

ഓർമ്മകളുടെ

സുഷുമ്‌നകളിലൂടെ…

എഴുതിക്കഴിഞ്ഞ

കവിതകളിലൂടെ…

രാജസ്ഥാനിൽ നിന്നുളള

മാർബിൾ

ലോറികളിലൂടെ….

കണ്ടെത്തപ്പെടാനാവുമെന്ന

ഒരുറപ്പേയില്ല…

റോഡരികിൽ നിന്നും

വേണമെങ്കിൽ

ഒരു മഷിപ്പേന വാങ്ങാം..

ഒരു വരപോലും

എഴുതാനാവാതെ

നിബ്ബിനും കട്ടക്കുമിടയിൽ

ജീവിതംപോലെ

എന്തോ ഒന്നു

തടയുന്നതറിഞ്ഞ്‌

വെറുതെയിരിക്കാം….!

Generated from archived content: poem1-aug03-05.html Author: shylan

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English