മുല്ലയും തത്തയും

മുറ്റത്തൊരു മുല്ല പൂവിട്ടു

മുത്താരംയെന്നപോൽ പൂവിട്ടു

അമ്മതൻ ഒക്കത്ത്‌ കുഞ്ഞുപോലെ

ചെടിയുടെ ഒക്കത്ത്‌ കുഞ്ഞുപൂവ്‌

പച്ചയുടുപ്പിട്ട തത്തപ്പെണ്ണ്‌

ചുണ്ടിൽ ചെഞ്ചായവും പൂശിവന്നു

ചെമ്പകകൊമ്പിൽ കുണുങ്ങികൊണ്ട്‌

ചന്തത്തിലാടി രസിച്ചുകൊണ്ട്‌

പൂന്തേനൊലിക്കുന്ന-

പിഞ്ചിളം പൂവിന്റെ

ചുണ്ടിലൊരുമ്മ കൊടുത്തിടുന്നു

കുട്ടിത്തം മാറാതത്തപ്പെണ്ണ്‌

കട്ടുതിന്നും പൂന്തേൻ കാറ്റുകണ്ടു

കളിയാക്കി കാറ്റുകടന്നുപോയി

കൊതിയൂറിതത്ത കുണുങ്ങിനിന്നു

കൊച്ചരീ പല്ലൊന്ന്‌ കാട്ടിപൂവ്‌

പുഞ്ചിരിതൂകിവിളിച്ചിടുന്നു

പഞ്ചാരതത്തെ

പനന്തത്തെ നീ

പാടുമോ പുഞ്ച-

വയൽപാട്ടൊന്ന്‌

Generated from archived content: poem1_nov13_09.html Author: raju_kanjirangadu

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English