ഗീതം തൊണ്ണൂറ്

വിടവാങ്ങുമീ വേളയി, ലെന്റെ മേല്‍
ചൊരിയുവിന്‍ മംഗളാശംസയേവരും!

ഉദയമാ, യരുണാഭമായംബരം
മമ വഴിത്താരയേറ്റം വിമോഹനം

പിരിയുമീനേരം കൊണ്ടുപോകാനേതും ‘
കരുതിയിട്ടില്ല മല്‍ചിത്തമെന്നിയേ

ഗളതലത്തില്‍ നവവരനെന്നപോല്‍
വരണമാല്യമണിഞ്ഞിരിക്കുന്നു ഞാന്‍

പഥികവേഷത്തിലല്ല ഞാന്‍ , ആരാനെന്‍
വഴിതടയുകില്‍ പേടിയില്ലേതുമേ!

ഒടുവി, ലീവഴി തീരവേ അന്തിയില്‍
തെളിയുമായിരം താരകള്‍ ; ഗോപുര-

നടയില്‍ നിന്നു സായാഹ്ന സങ്കീര്‍ത്തനം
കരുണയേലും സ്വരത്തിലുയര്‍ന്നിടും!

കടപ്പാട്: കേരള സാഹിത്യ അക്കാദമി Email:akademipublication@gmail.com

Generated from archived content: geethanjali90.html Author: rabeendranath_tagore

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English