മുദ്രകൾ പറയുന്നത്‌

സ്വാസ്ഥ്യത്തിന്റെ പിടിവളളികൾ ഓരോരുത്തർക്കും ഓരോന്നാണ്‌. പുഴയൊഴുക്കിൽ ഉറുമ്പിന്‌ ഇല എന്നതുപോലെ ഓരോരുത്തരും അവരവരുടെ രക്ഷാവഞ്ചികളിൽ യാത്ര തുടരുന്നു. ഭദ്രമെന്ന പുറംമോടിക്കകത്ത്‌ ഒരിക്കലും പിടികിട്ടാത്ത സംഘർഷയാനങ്ങൾ നടന്നു തീരാതെ വയ്യ.

അളന്നുതീർക്കാൻ കഴിയാത്ത മാനസികദൂരങ്ങൾക്കിടയിൽ അച്‌ഛൻ, അമ്മ, മകൻ, മകൾ…ബന്ധങ്ങളുടെ യുക്തിഭദ്രത ചോദ്യം ചെയ്യപ്പെടുന്ന പുതിയ കാലത്തിൽ ജീവിക്കേണ്ടിവരുന്ന ഒരു കൂട്ടം നിസ്സഹായരുടെ ആന്തരികഭാവങ്ങളാണ്‌ സേതുവിന്റെ കൈമുദ്രകൾ എന്ന നോവൽ ആവിഷ്‌കരിക്കുന്നത്‌.

അജ്ഞാതമായ ഏതോ കൈമുദ്രകൾക്കനുസൃതം ജീവിതം ചിട്ടപ്പെടുത്തുവാൻ വിധിക്കപ്പെടുന്ന ഏതാനും മനുഷ്യരുടെ കഥയാണിത്‌. ഏകാന്തതയുടെ, നിസ്സഹായതയുടെ, അധീശത്വത്തിന്റെ, ശൂന്യതയുടെ വേദനിപ്പിക്കുന്ന വേഷങ്ങൾ അണിയാൻ നിർബന്ധിക്കപ്പെടുന്ന അജയനും സരിതയും ശാരദാമ്മയും ദാസും അച്ചുവും ഒക്കെ കൂട്ടിയാലും കൂടാത്ത, തങ്ങൾക്കിടയിലെ അകലത്തെക്കുറിച്ച്‌ വ്യാകുലരാണ്‌. കണ്ണിയറ്റ ഒറ്റഗ്രഹത്തെപോലെ അജ്ഞാതപഥങ്ങളിൽ ചുറ്റിത്തിരിയുമ്പോഴും ഊഷ്‌മളമായ ചില ബന്ധങ്ങളെങ്കിലും നിലനിന്നു കാണാൻ ആഗ്രഹിക്കുന്നുണ്ട്‌, ഇവരൊക്കെ. ആത്മസംഘർഷങ്ങളുടെ ഈ ചുറ്റിത്തീരലിൽ അജയൻ പാവക്കുട്ടികളിലും, ഊർമ്മിള പത്രപ്രവർത്തനത്തിലും, കാതറീൻ അഭിനയത്തിലും, ഉണ്ണിമായമ്മ ഭജനയിലും, ശാന്തനുദാ കാത്തിരിപ്പിലും അഭയം പൂകാൻ ശ്രമിക്കുന്നുവെങ്കിലും എല്ലാവരും ‘കൺഫ്യൂസ്‌ഡ്‌’ തന്നെ. ഉത്തരങ്ങളില്ലാത്ത ഒരു ചോദ്യാവലിപോലെ ജീവിതം പിടിതരാതെ വഴുക്കുമ്പോൾ കൺഫ്യൂസ്‌ഡ്‌ ആകാതെ തരമില്ലല്ലോ?

പാതയ്‌ക്കൊടുവിൽ പ്രകാശം ചൊരിയുന്ന വഴിവിളക്കെന്നപോലെ ആന്തരിക നന്മകൾ ദീപ്തമാക്കുന്ന കഥാസന്ദർഭങ്ങൾ നിരവധിയുണ്ടിതിൽ. നോവൽ വായിച്ചു തീർന്നാലും ആ പ്രകാശരശ്‌മികൾ വന്നുവീഴുന്ന നന്മയുടെ തുരുത്തുകൾ കൂടെ വരാതിരിക്കില്ല. അവകാശവാദങ്ങളില്ലാത്ത നിശ്ശബ്‌ദമായ സ്‌നേഹം പോലെ.

കൈമുദ്രകൾ (നോവൽ)

സേതു

ഡിസി ബുക്‌സ്‌, 1998

പേജ്‌ -544. വില ഃ 195 രൂപ.

Generated from archived content: book1_june17.html Author: pramod_seban

അഭിപ്രായങ്ങൾ

അഭിപ്രായങ്ങൾ

SHARE
Previous articleഎ.രാമചന്ദ്രന്റെ ‘വര’മൊഴികൾ – മികച്ച വായനാനുഭവം
Next articleമൃദുതാളം
1975 ഏപ്രിൽ 4-ന്‌ കണ്ണൂർജില്ലയിൽ ആറളത്ത്‌ പി.ജി.സെബാസ്‌റ്റ്യന്റെയും ലീലാമ്മ ജോണിന്റെയും മകനായി ജനിച്ചു. ആറളം ഗവ.ഹൈസ്‌കൂൾ, എടൂർ സെന്റ്‌ മേരീസ്‌ ഹൈസ്‌കൂൾ, കൂത്തുപറമ്പ്‌ നിർമ്മലഗിരി കോളേജ്‌, കാലിക്കറ്റ്‌ സർവ്വകലാശാല ചരിത്രവിഭാഗം, കേരള സർവ്വകലാശാല ടീച്ചർ എഡ്യൂക്കേഷൻ സെന്റർ, തിരുവനന്തപുരം എന്നിവിടങ്ങളിൽ വിദ്യാഭ്യാസം. ചരിത്രത്തിൽ എം.എ.യും ബി.എഡ്‌ ബിരുദവും. ആനുകാലികങ്ങളിൽ എഴുതാറുണ്ട്‌. കാലിക്കറ്റ്‌ സർവ്വകലാശാല എ സോണിൽ ചെറുകഥയ്‌ക്ക്‌ ഒന്നാംസ്ഥാനം. ‘നിളയിലെ മത്സ്യങ്ങൾ’ എന്ന കവിത കാലിക്കറ്റ്‌ സർവകലാശാല കാമ്പസ്‌ യൂണിയൻ 2001ൽ സംഘടിപ്പിച്ച സാഹിത്യോത്സവത്തിൽ ഒന്നാം സമ്മാനാർഹമായി. കണ്ണൂർ ആകാശവാണിനിലയം, ഏഷ്യാനെറ്റ്‌ എന്നിവിടങ്ങളിൽ കവിതകൾ അവതരിപ്പിച്ചിട്ടുണ്ട്‌. പാരലൽ കോളേജ്‌ അധ്യാപകനായി ജോലി നോക്കുന്നു. വിലാസം പ്രതിഭ, ആറളം പി.ഒ., കണ്ണൂർ Address: Phone: 0490 2450964 Post Code: 670 704

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English