കുഞ്ഞാടിന്റെ കുമ്പസാരം

ഞാൻ

കുഞ്ഞാട്‌

ഭയന്നു വിറച്ചിട്ടി-

കുമ്പസാരക്കൂട്ടിൽ നില്‌ക്കുന്നു.

എന്റെ

പിന്നാലെ വരുന്നവർ,

എന്റെ കണ്ണുകൾ-

ചൂഴ്‌ന്നെടുക്കും.

അത്‌ ജ്വലിക്കുകയില്ലെന്ന്‌-

അവർ അറിയുന്നില്ല.

എന്റെ കുഞ്ഞുമുലകൾ

കടിച്ചുപറിക്കും

എന്റെ വേദന

അവർ അറിയുന്നില്ല.

എന്റെ തുടുത്ത മാംസം

അറുത്തെടുക്കും

എന്റെ പ്രാണന്റെ വില-

അവർ അറിയുന്നില്ല.

എന്റെ ചോരയവർ

വറുത്തു തിന്നും.

എന്നിട്ടവർ

കുമ്പസാരിക്കും

പ്രഭോ!

അഭയം നല്‌കിയെന്റെ

ആയുസ്സുനീട്ടാതെ,

ഭയം മാറാനൊരു

വഴി പറഞ്ഞീടുക.

Generated from archived content: poem1_dec7_06.html Author: ozhukuparasatyan

അഭിപ്രായങ്ങൾ

അഭിപ്രായങ്ങൾ

SHARE
Previous articleവാക്ക്‌
Next articleദിനപ്പുകിൽ
തിരുവനന്തപുരം ആയൂർവ്വേദകോളേജിൽ നിന്നും ഫാർമസിയിൽ ഡിപ്ലോമ. ഇപ്പോൾ അണ്ടൂർക്കോണം ഗവ. ആയൂർവ്വേദഡിസ്പെൻസറിയിൽ ഫാർമസിസ്‌റ്റായി ജോലി നോക്കുന്നു. കേരള കൗമുദി വീക്കെൻഡ്‌ മാഗസിൻ, ഉണ്മ മാസിക, മനോരാജ്യം, കുലീന എന്നിവയിൽ കവിതകൾ പ്രസിദ്ധീകരിച്ചിട്ടുണ്ട്‌. കൂടാതെ ഉണ്മ പബ്ലിക്കേഷന്റെ കാവ്യസപ്തകം എന്ന കവിതാസമാഹാരത്തിലും, യുവകലാസാഹിതിയുടെ കവിതാസമാഹാരത്തിലും കവിതകൾ ഉൾപ്പെടുത്തിയിട്ടുണ്ട്‌. ഭാര്യ ഃ ശ്രീലത (റീന) വിലാസം ഒഴുകുപാറ സത്യൻ വട്ടപ്പാറ പി.ഒ. തിരുവനന്തപുരം- 695028.

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English