പ്രണയാന്ത്യം

തമ്മിൽ കണ്ടത്‌ പുണ്യം

ഞാൻ നിറഞ്ഞ മരുപ്പച്ച

നിന്റെ ദാഹമകറ്റാതെ വയ്യ.

ഞാൻ പടർന്ന പൂനിലാവ്‌

നിന്റെ ഇരുട്ടകറ്റാതെ വയ്യ.

ഞാൻ കത്തുന്ന ഉപ്പുകടൽ

നിന്റെ രുചിയിൽ നിറയാതെ വയ്യ

ഞാൻ ഒഴുകുന്ന സുഗന്ധം

നിന്റെ മേനിയിൽ തൊടാതെ വയ്യ

ഞാൻ ഉണരുന്ന സംഗീതം

നിന്റെ ഓർമ്മയിലലിയാതെ വയ്യ

………..

നീ ഗോപിക,

നീ തന്നെ മയിൽപ്പീലി, വേണുഗാനം, മഴവില്ല്‌…

എനിക്കിനി നീയാവാതെ വയ്യ

ഒന്നിച്ചതിൻ ശേഷം

നീയില്ലെന്നറിവിൽ സുഖം തോന്നാതെ വയ്യ

ഞാനുണ്ടോയെന്ന സംശയം

സന്തോഷമാവാതെ വയ്യ

………….

ഇപ്പോൾ,

ഞാൻ കമഴ്‌ന്ന ആകാശം

മലർന്ന ഭൂമി

ഒഴിഞ്ഞ പാത്രം.

Generated from archived content: pranayanthyam.html Author: murali_mankada

അഭിപ്രായങ്ങൾ

അഭിപ്രായങ്ങൾ

SHARE
Previous article‘പ്രണയമൊരു ചില്ലോടുപോലെ’
Next articleപ്രണയത്തിന്റെ അന്ത്യം
പേര്‌ഃ മുരളീധരൻ സി.കെ. പാലക്കാട്‌ വിക്‌ടോറിയാകോളേജിലും ഒറ്റപ്പാലം എൻ.എസ്‌.എസ്‌ കോളേജിലും വിദ്യാഭ്യാസം. ഇപ്പോൾ കേരളവാട്ടർ അതോറിറ്റിയുടെ പാലക്കാട്‌ ഓഫീസിൽ ഗുമസ്‌തൻ. ആനുകാലികങ്ങളിൽ ഇടയ്‌ക്കെല്ലാം കഥ, കവിത, ലേഖനം എന്നിവ എഴുതാറുണ്ട്‌. ചിത്രരചനയിൽ അതിയായ താല്പര്യമുണ്ട്‌. തിരുവനന്തപുരം ദൂരദർശനുവേണ്ടി നിർമ്മിച്ച നാലു ഡോക്യുമെന്ററികൾക്ക്‌ തിരക്കഥ എഴുതി (മഹാകവി പി, അക്കിത്തം, കഥാകാരി രാജലക്ഷ്‌മി, പറയിപ്പെറ്റ പന്തിരുകുലം എന്നിവരെകുറിച്ചു നിർമ്മിച്ചത്‌) മാധ്യമപഠന കേന്ദ്രത്തിന്റെ അവാർഡു ലഭിച്ച ‘നിളയുടെ കണ്ണീർച്ചാലുകൾ’ തുടങ്ങി ഇരുപതോളം ഡോക്യുമെന്ററികളുടെ സഹസംവിധായകനായിരുന്നു. 2000ത്തിലെ ഗാന്ധിജയന്തിയോടനുബന്ധിച്ച്‌ ‘സൂര്യ’ സംപ്രേഷണം ചെയ്‌ത ഗാന്ധിജയന്തി സ്പെഷൽ ‘രഘുപതിരാഘവ.....’ എന്ന ഡോക്യുമെന്ററിയുടെ സംവിധായകനായിരുന്നു. വിവാഹിതൻ. ഭാര്യഃ അഡ്വ.കെ.പി. സുമ. മകൻഃ ബാലമുരളി. വിലാസംഃ കോമളാനിവാസ്‌, മങ്കര പി.ഒ., പാലക്കാട്‌ - 678613

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English