‘ഒച്ചകൾ’

ഒന്ന്‌

ഉളള്‌കാളി

തിരിഞ്ഞു

നോക്കീടവെ

നിലയ്‌ക്കുന്നു.

പിന്നിലടുത്തു

വന്നോരു

കാൽപെരുമാറ്റം.

മരത്തിൻ

മറവിൽ

ഒളിച്ചുവോ.

കുതിർന്ന

മണ്ണിൽ

പുതഞ്ഞുവോ.

കാട്ടുപൊന്തയിൽ

പതുങ്ങിയോ.

നിഴലുപോൽ

പിന്നാലെ

കൂടിയോൻ.

രണ്ട്‌

കിതച്ചോടി

വന്നാരാവും

മുട്ടിവിളിച്ചത്‌.

കൂവളച്ചില്ലകൾ

കോതുന്നകാറ്റോ.

കൈതപ്പച്ച-

യിലേക്കോടും

കുളക്കോഴിയോ.

പരുത്തിയിലകളിൽ

ഇളവെയിൽ

കൊളളും പുഴുക്കളോ.

കണ്ടതില്ലാരെയും

വാതിൽ

തുറക്കവെ ഞാൻ.

Generated from archived content: poem_ochakal.html Author: mr_renukumar

അഭിപ്രായങ്ങൾ

അഭിപ്രായങ്ങൾ

SHARE
Previous articleനുറുങ്ങു കവിതകൾ
Next articleദൈവനീതി
കോട്ടയം ജില്ലയിലെ കാരാപ്പുഴയിൽ 1969ൽ ജനിച്ചു. സാമ്പത്തിക ശാസ്‌ത്രത്തിൽ എം.എ ബിരുദവും, സെന്റർ ഫോർ ഡെവലപ്‌മെന്റ്‌ സ്‌റ്റഡീസിൽ നിന്ന്‌ എം.ഫിൽ ബിരുദവും നേടി. 1994ലെ മഹാത്‌മാഗാന്ധി യൂണിവേഴ്‌സിറ്റി കലാപ്രതിഭ ആയിരുന്നു. യൂണിവേഴ്‌സിറ്റിയെ പ്രതിനിധീകരിച്ച്‌ പോസ്‌റ്റർ ഡിസൈനിംഗിൽ ദേശീയതലത്തിൽ സമ്മാനം നേടിയിട്ടുണ്ട്‌. കവിതയും കഥയും ലേഖനങ്ങളും എഴുതുന്നു. ആദ്യകവിത ‘മുഴുമിപ്പിക്കാത്ത മുപ്പതുകളിൽ’ കലാകൗമുദിയിൽ. ആദ്യകഥ ‘ഒറ്റമരം’ കഥ ദ്വൈവാരികയിൽ. മാധ്യമം, ചന്ദ്രിക, കലാവീക്ഷണം, സർഗധാര, ആശയസമന്വയം, ഓറ, തുടങ്ങിയ പ്രസിദ്ധീകരണങ്ങളിൽ കവിത വന്നിട്ടുണ്ട്‌. ഇപ്പോൾ മഹാത്‌മാഗാന്ധി യൂണിവേഴ്‌സിറ്റിയിൽ സാമ്പത്തിക ശാസ്‌ത്ര ഗവേഷക വിദ്യാർത്ഥി. വിവാഹിതൻ. ഭാര്യഃ രേഖാരാജ്‌. വിലാസംഃ ചെമ്പരത്തി, മാന്നാനം പി.ഒ. കോട്ടയം - 686 561 Address: Post Code: 686 561

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English