മരണത്തെ തോൽപ്പിക്കാൻ

ഞാൻ എല്ലാവരേയും കാത്തുകിടക്കവേ

പല മുഖങ്ങൾക്കിടയിൽ

സാന്ദ്രമൗനം പോലെ

നിന്നെ ഞാൻ കാണും

നീയപ്പോൾ കരയാൻ പാടില്ല

ചിരിച്ച മുഖമാണെനിക്കു കാണേണ്ടത്‌

കരയരുതെന്നു പറയാനെനിക്കാവില്ലല്ലോ

ഒരുതുളളിക്കണ്ണീരിനാൽപോലും

ആ മുഖം വികൃതമാകുന്നതെനിക്കിഷ്‌ടമില്ല

ആ കണ്ണീരൊപ്പാനെനിക്കാവില്ലല്ലോ

കരച്ചിൽ മരണത്തിൻ മുന്നിലെ

പരാജയസമ്മതമാവും

ആ മുഖത്തെ നറും പുഞ്ചിരി

മരണത്തെ തോൽപ്പിക്കലാവും !

Generated from archived content: maranam_tholvi.html Author: mk_chandraj

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English