പ്രണയം പൂക്കുന്നതെപ്പോഴാണ്‌?

കനൽമേഘങ്ങൾക്കു കീഴെ,

ഇടനെഞ്ച്‌ പൊട്ടി

രക്‌തം പടർന്ന

കടൽത്തീരത്ത്‌

ഓർമകളുടെ മുല ചുരന്ന്‌

ഏകാകിയായി…..ഞാൻ.

അകലെ,

തളർന്ന മൂവന്തികൾ…..

എത്ര പെട്ടെന്നാണ്‌

വിയർത്ത പകലുകൾ

വിളറി വീണത്‌.

ഇനി,

കൊഴിഞ്ഞു പോയ

പ്രണയം പൂക്കുന്നതെപ്പോഴാണ്‌?

ഓർമകൾ,

വിണ്ട്‌ കീറിയ മണ്ണിൽ

പതിക്കുന്ന

വേനൽ പെയ്‌ത്തു പോലെ…..

ഞാൻ,

എരിഞ്ഞു കത്തുന്നൊരു

നെരിപ്പോട്‌…..

നീ,

സ്‌നേഹിക്കയെന്ന

വരദാനം

ശാപമായി ലഭിച്ചവൾ…..

എന്നിൽ

പടിയിറങ്ങിയകന്ന

പ്രണയമേ,

എനിക്കൊരു

കനൽപ്പൂവിനെ തരൂ…..

ജ്വലിക്കും വാക്കിനെ തരൂ…..

Generated from archived content: poem_jan6.html Author: kilimanur_noushad

അഭിപ്രായങ്ങൾ

അഭിപ്രായങ്ങൾ

SHARE
Previous articleജാലകം
Next articleജന്മാന്തരം
ചെരാത്‌ സാഹിത്യ സുഹൃത്‌ വേദി പ്രസിഡന്റ്‌, ഇല ഇൻലന്റ്‌ മാഗസിൻ പത്രാധിപസമിതി അംഗം എന്നീ നിലകളിൽ പ്രവർത്തിക്കുന്നു. ചിത്രരചന, കാർട്ടൂൺ എന്നിവയിൽ താൽപര്യം. ആനുകാലികങ്ങളിൽ കവിതയും കാർട്ടൂണും പ്രസിദ്ധീകരിച്ചിട്ടുണ്ട്‌. വിലാസംഃ- കിളിമാനൂർ നൗഷാദ്‌ “സ്‌നേഹതീരം”, നഗരൂർ പി. ഒ. -695 618, തിരുവനന്തപുരം പി. ബി. നമ്പർഃ 15150, റിയാദ്‌ഃ 11444, സൗദി അറേബ്യ, ഫോൺഃ +966 521 22675

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English