മൗനങ്ങൾ പാടുമ്പോൾ

എന്റെ മൗനങ്ങൾ ചോരത്തുളളിയായൊഴുകുമ്പോൾ

എന്തേ നിന്റെ മാനസം ഇടറാതിരുന്നത്‌?

എന്റെ കണ്ണുനീർ വീഴുന്നിടങ്ങളിലെല്ലാം

നിന്റെ സ്പന്ദനം എന്താണാവോ…….

കേൾക്കാതെ പോയത്‌

ഞാനുറങ്ങും കിനാവുകളിലെല്ലാം

നിന്റെ യൗവ്വനം പാതി വിടർന്നതായറിഞ്ഞതും

ഒരു നാട്ടുവഴിയിലരികിലായി

എന്റെ സ്വപ്നങ്ങൾ കൊഴിച്ചിട്ടതും

കാതങ്ങളോളമലയാൻ വിധിക്കപ്പെട്ടതുമെല്ലാം

പാതിവഴിക്കുവെച്ചു തീർന്നപ്പോൾ…..

നാലുമണിപൂക്കളുടെ വസന്തമെന്നോണം കിനാവു പോലെ വൈകിയെത്തിയ നീയ്യും

എനിക്ക്‌ പൂർണത തേടാതെ….

ചിത്രശലഭങ്ങളായ്‌ മാറിയതെന്താണാവോ…….?

ഇനിയൊരിക്കൽ

എന്റെ മൗനങ്ങൾ പാടുമ്പോൾ

കാതോർക്കാനായി

നിന്റെ ഇടറാത്ത മാനസം

സൂചിത്തുമ്പിൽ കോർക്കാതെ

എന്റെ ചോരത്തുളളികളോടിണ ചേരാൻ…..

സ്നേഹപല്ലക്കുമായി ഒരു നിലാവ്‌!ൽ

Generated from archived content: poem2_dec22_06.html Author: kayyummu

അഭിപ്രായങ്ങൾ

അഭിപ്രായങ്ങൾ

SHARE
Previous articleവൃദ്ധസദനം
Next articleപ്രണയത്തിന്റെ തുടക്കം
1962-ൽ ജനിച്ചു. തൃശൂർ ജില്ലയിലെ ചാവക്കാട്‌ താലൂക്കിൽ കോട്ടപ്പടിയിൽ താമസം. ചെറുപ്പം മുതൽ കവിതയിലും മാപ്പിളപ്പാട്ടിലുമായിരുന്നു താത്‌പര്യം. കഥ,കവിത, മാപ്പിളപ്പാട്ട്‌, ലളിതഗാനം കൂടാതെ നോവൽ, നോവലെറ്റ്‌, തിരക്കഥ, നാടകം തുടങ്ങിയവ എഴുതിയിട്ടുണ്ട്‌. 1990-ൽ ആകാശവാണി തൃശൂർ നിലയത്തിലൂടെയാണ്‌ കവിത പ്രക്ഷേപണം ആരംഭിച്ചത്‌. വിലാസം വി. കയ്യുമ്മു, വൈശ്യം ഹൗസ്‌, ചിറ്റേനി, കോട്ടപ്പടി പി.ഒ. തൃശൂർ ജില്ല Address: Phone: 9946029925 Post Code: 680505

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English