വിചാരങ്ങൾക്കിടയിലൂടെ….

ഏകനായ നീ നുഴഞ്ഞു കയറി

അശ്ലീല ചിത്രങ്ങൾക്കിടയിൽ

പറ്റിക്കിടക്കുമ്പോൾ,

പറയാനാഗ്രഹിച്ച വാക്കുകൾ

കരിയിലക്കൂട്ടങ്ങൾക്കിടയിലൂടെ

പറന്നു പോയിരുന്നൊ….?

കണ്ണുവെട്ടിച്ചെടുത്ത ചിത്രകാരന്റെ

കാൻവാസിലെ നീലചിത്രങ്ങൾ

പകൽവെട്ടത്തിൽ കണ്ണുനഷ്‌ടപ്പെട്ടത്‌

മുറിച്ചെടുത്ത കഷണങ്ങളായ്‌ വീതിച്ചത്‌

ഇതൊന്നുമറിയാതെ നീ

ആ പച്ചമാംസത്തിനുളളിലൂടെ

പൊരുതുകയായിരുന്നോ…?

ഒരിക്കൽ,

പ്രണയപ്പനിയുടെ സീൽക്കാരത്തിൽ

മൊഴിഞ്ഞ വാക്കുകൾക്കൊന്നും

ഇന്നീ നീലചിത്രങ്ങൾക്കുളളിൽ നിന്ന്‌

സ്ഥാനം എത്ര അകലെയാണെന്ന്‌

മെനയാനാവുന്നില്ല അല്ലേ…?

ഒരു മനുഷ്യന്‌ നഷ്‌ടപ്പെടാത്തത്‌ വിചാരമാണ്‌

ആ വിചാരത്തിലാണ്‌

നഗ്നതയും കാമവും കുടുംബവും

നീലചിത്രവും വസിക്കുന്നത്‌

മാംസത്തോടും തൊലിയോടും ചേരാതെ

വിചാരങ്ങൾ ആത്മാവിനുളളിൽ

ചിത്രത്തോടൊട്ടിക്കിടക്കുകയാണ്‌…!

Generated from archived content: poem1_mar16.html Author: kayyummu

അഭിപ്രായങ്ങൾ

അഭിപ്രായങ്ങൾ

SHARE
Previous articleപ്രലോഭനം
Next articleനന്ദിഗ്രാമിൽ നന്ദിയില്ലാതെ
1962-ൽ ജനിച്ചു. തൃശൂർ ജില്ലയിലെ ചാവക്കാട്‌ താലൂക്കിൽ കോട്ടപ്പടിയിൽ താമസം. ചെറുപ്പം മുതൽ കവിതയിലും മാപ്പിളപ്പാട്ടിലുമായിരുന്നു താത്‌പര്യം. കഥ,കവിത, മാപ്പിളപ്പാട്ട്‌, ലളിതഗാനം കൂടാതെ നോവൽ, നോവലെറ്റ്‌, തിരക്കഥ, നാടകം തുടങ്ങിയവ എഴുതിയിട്ടുണ്ട്‌. 1990-ൽ ആകാശവാണി തൃശൂർ നിലയത്തിലൂടെയാണ്‌ കവിത പ്രക്ഷേപണം ആരംഭിച്ചത്‌. വിലാസം വി. കയ്യുമ്മു, വൈശ്യം ഹൗസ്‌, ചിറ്റേനി, കോട്ടപ്പടി പി.ഒ. തൃശൂർ ജില്ല Address: Phone: 9946029925 Post Code: 680505

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English