തറി

ഇടറുന്ന നെഞ്ചും ഇഴചേർന്നനൂലുമായ്-
നെയ്തു ഞാനാത്തറിതന്നിൽ……,
ഇഴപൊട്ടിപലവട്ടമൊപ്പമെന്നിടനെഞ്ചും-
പലകുറിയാത്തറിതന്നിൽ ….!
കൈപ്പിടി തന്നിലൊതുങ്ങിയാച്ചരടിന്റെ-
ഞാണിൽ കുടുങ്ങിയോരോടംകണക്കെ –
ഓടുകയാണെന്റെ ചിത്തം….!.
ഉയർന്നുതാഴുന്നോരാ നൂലിന്നിഴകളിൽ –
ഓടുന്നോരോടമാണെന്നുടെ ജീവൻ…,
പാവുമാനൂലിഴപാകുന്നോരോടത്തിൻ
വേഗമായെന്നുടെ കാലും ചലിക്കുന്നു.
ഇടറുന്ന നെഞ്ചും ഇഴചേർന്നനൂലുമായ്-
നെയ്തു ഞാനാത്തറിതന്നിൽ……,
തറിയുടെ താളത്തിലലിയുന്നെൻ –
ജീവരാഗങ്ങളും – സ്വപ്നരേണുക്കളുമൊന്നായ് ..!
പട്ടിണി മാറ്റുവാൻ പട്ടുകൾ നെയ്തു –
ഞാനെന്നിട്ടും മാറാത്തപട്ടിണിയോ ..?!
ആശകൾ കോർത്തുഞാൻ നെയ്തൊരാ-
പൊൻപട്ടിൻ ചിത്രങ്ങൾവിചിത്രമായ്തോന്നി…!!
കാൽകൾ കുഴയുന്നു മഗ്ഗവും കേഴുന്നു…
അതിനൊത്തെൻജീവന്റെ രാഗവുംതകരുന്നു…!!.
ഇഴനൂലുപൊട്ടിയാ മഗ്ഗവും നിലച്ചു…,
അതിനോപ്പമെന്നുടെ ജീവതാളവും നിലച്ചു….!

Generated from archived content: poem3_may13_15.html Author: joy_nediyalimolel

അഭിപ്രായങ്ങൾ

അഭിപ്രായങ്ങൾ

SHARE
Previous articleവൈശാഖപൌർണമി -15
Next articleആരും കേണലിന് എഴുതുന്നില്ല: 10
ജോയ് നെടിയാലിമോളേല്‍
ജനനം 1960. പതിനഞ്ചു വർഷത്തെ ആർമി (ആർമഡ് കോർപ്സിൽ) സേവനം. (ഏട്ടു വർഷം അഡ്മിനിസ്ട്രേഷനിലും ഏഴു വർഷം അക്കൗണ്ട്സിലും). ആർമിയിൽ നിന്നു സ്വയം വിരമിച്ചതിനു ശേഷം ഒരു കമ്പനിയിൽ ഇരുപതു വർഷത്തെ സേവനം. സീനിയർ മാനേജരായി റിട്ടയർ ചെയ്തു. ചിത്ര രചനയും എഴുത്തും പ്രധാന ഹോബികൾ. ഭാര്യ - വത്സല. മക്കൾ - ദർശന, ദിവ്യ. കൃതികൾ :- 1) ശിവാംഗി - ചെറുകഥാ സമാഹാരം (29 കഥകൾ). 2) നോവൽ - ഒരു പട്ടാളക്കാരന്റെ ആത്മഗതങ്ങൾ. 3) നോവൽ - പലായനം. താമസ്സം : അഹമദ്നഗർ, മഹാരാഷ്ട്ര. മൊബൈൽ : 9423463971 / 9028265759 ഇമെയിൽ : joy_nediyalimolel@yahoo.co.in

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English