വൃദ്ധാലയം

അച്ഛന്‍ പടുത്തൊരാകാട്ടുകല്ലിന്മാട-
മുടച്ചു പടുത്തൊരാമണിഹര്‍മ്യമതിനുള്ളി-
ലഴലുമായ്ക്കഴിയുന്നു കിഴവനു കിഴവിയും
പോയ കാലത്തിന്റെ സ്മൃതികളില്‍ കുതിക്കുന്നു
കടിഞ്ഞാണ്‍ തകര്‍ത്തശ്വാരുഢമായ് ചിന്തകള്‍…!

കുഞ്ഞിക്കാല്‍ വളരുന്നോ കുഞ്ഞിക്കൈവളരുന്നോ-
യെന്നമ്മ കണ്‍പാര്ത്തു പുന്നരിച്ചാ നാളുകള്‍…
മക്കള്‍തന്‍ സൗഭാഗ്യം ശരണമേയെന്നോര്‍-
ത്തച്ഛന്റെ ചോരനീരാക്കിയനാളുകള്‍-
ഒരു നൂറുസ്വപ്നങ്ങള്‍നെഞ്ചകത്തേറ്റിയി-
ക്കാലം കൊഴിഞ്ഞുപോയെത്രകണ്ടാകിലോ….?

അമ്പലം ചുറ്റി വലം വച്ചു ദേവിയെ
നെഞ്ചുനുറുങ്ങിപ്പടികളിറങ്ങുമ്പോ-
ളമ്പലവാസ്സികളക്ഷമരായ് നിന്നു…!
ഓമനപ്പുത്രന്റെ മുഖമുദ്രപോലെനിന്നോ-
മനപേരക്കിടാവു ചിരിക്കുന്നു

മരുമകളോതുന്നു മകനോടായിങ്ങനെ
ഇനിയില്ല നിമിഷങ്ങള്‍ പാഴാക്കുവാന്‍-
നമുക്കരെയെത്തുവാന്‍ ഒരു നൂറുകാര്യങ്ങള്‍…
ഒരു നൂറു ചേഷ്ടകള്‍ നിറമിഴിയുമായി-
നിന്നാനയിച്ചവരെയാവൃദ്ധാലയത്തിലേക്കായ്

വൃദ്ധാലയത്തിന്റെ പടികള്‍ വിട്ടകലുന്ന
മക്കളെ വിഷാദമായ് നോക്കി നില്‍ക്കെ
മനസ്സു പുലമ്പുന്നു മക്കളെ നിങ്ങള്‍ക്കു-
മൊരു ദിനം വന്നെത്തുമതിനായി നിങ്ങളും കാത്തിരിക്കാ…

Generated from archived content: poem2_sep8_13.html Author: joy_nediyalimolel

അഭിപ്രായങ്ങൾ

അഭിപ്രായങ്ങൾ

SHARE
Previous articleഒരു കാന്‍സര്‍ രോഗിയുടെ ഡയറി-8
Next articleപരീക്ഷയെല്ലാം തീര്‍ന്നപ്പോള്‍
ജോയ് നെടിയാലിമോളേല്‍
ജനനം 1960. പതിനഞ്ചു വർഷത്തെ ആർമി (ആർമഡ് കോർപ്സിൽ) സേവനം. (ഏട്ടു വർഷം അഡ്മിനിസ്ട്രേഷനിലും ഏഴു വർഷം അക്കൗണ്ട്സിലും). ആർമിയിൽ നിന്നു സ്വയം വിരമിച്ചതിനു ശേഷം ഒരു കമ്പനിയിൽ ഇരുപതു വർഷത്തെ സേവനം. സീനിയർ മാനേജരായി റിട്ടയർ ചെയ്തു. ചിത്ര രചനയും എഴുത്തും പ്രധാന ഹോബികൾ. ഭാര്യ - വത്സല. മക്കൾ - ദർശന, ദിവ്യ. കൃതികൾ :- 1) ശിവാംഗി - ചെറുകഥാ സമാഹാരം (29 കഥകൾ). 2) നോവൽ - ഒരു പട്ടാളക്കാരന്റെ ആത്മഗതങ്ങൾ. 3) നോവൽ - പലായനം. താമസ്സം : അഹമദ്നഗർ, മഹാരാഷ്ട്ര. മൊബൈൽ : 9423463971 / 9028265759 ഇമെയിൽ : joy_nediyalimolel@yahoo.co.in

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English