മഞ്ഞു പൊഴിയുമ്പോള്‍

തൂമഞ്ഞിന്‍ ശകലങ്ങള്‍
പൊഴിയുകയായ്,
ഹേമന്ത പുതുമഴയായ്.
തൂവെള്ള പൂവിതളുകള്‍
പോലവനിറയുകയായ്.
പുല്‍ നാമ്പുകളില്‍,
പുല്‍തകിടികളില്‍.

തൂമഞ്ഞിന്‍ ശകലങ്ങള്‍,
ഹേമന്തപെരുമഴയായ്
പാറിപ്പതിയുകയായ്,
അപ്പൂപ്പന്‍ താടികള്‍പോല്‍-
പറ്റിപടരുകയായ്
മേല്‍ക്കൂരകളില്‍.
വൃക്ഷചില്ലകളില്‍,
തെരുവീഥികളില്‍,
കാട്ടില്‍ മേട്ടില്‍,
ചെറുകാറ്റേറ്റവ,
പാറിനടന്നു പാരിടമാകെ.

എന്നിലെയുണ്ണിയുണരുകയായി.
മഞ്ഞിന്‍ കണികകള്‍
നാവാല്‍ നൊട്ടിനുണക്കാന്‍.
മഞ്ഞിന്‍ മാനുഷനെയുണ്ടാക്കാന്‍.
മഞ്ഞിന്‍ കട്ടകളില്‍
തട്ടിചാടിനടക്കാന്‍
എന്നിലെയുണ്ണിയുണരുകയായി.

ഇറങ്ങിനടന്നു ഹിമമഴയില്‍ ഞാന്‍,
മഞ്ഞിന്‍ കണികകള്‍
നാവിന്‍ തുമ്പിലലിഞ്ഞു നനയുന്നു.
കോട്ടണ്‍ കാന്‍ഡികള്‍ പോലെ,
മഞ്ഞിന്‍പൂവേ കുഞ്ഞിപ്പൂവേ,
എന്തൊരുചന്തം നിന്നെക്കാണാന്‍-
എന്തൊരുചന്തം നിന്നെക്കാണാന്‍.

വെള്ളപുതച്ചൊരു-
വെണ്മണല്‍ തീരം-
പോലെ.
പഞ്ഞിനിറച്ചൊരു തലയിണ-
പൊട്ടിപ്പാറിയപോലെ,
പുത്തന്‍ മഴയിലരിക്കൂണുകള്‍-
പൊട്ടിവിരിഞ്ഞതുപോലെ,
തൂവാനതുമ്പികള്‍-‍
പാറിനടക്കും പോലെ,

മാനത്തെ-
മാലാഘകുഞ്ഞുങ്ങള്‍,‍
കുഞ്ഞിതലയിണകള്‍-
പൊട്ടിച്ചങ്ങുകളിക്കുകയാണോ?
വെണ്‍ മേഘചെമ്മരിയാടുകള്‍-
രോമക്കെട്ടുപൊഴിക്കുകയാണോ?
വീണ്ടും വരുമോ-
മഞ്ഞിന്‍ മഴയേ,
ഹേമന്തപുതുമഴയായ്-
കുളിരണിയിക്കാന്‍?

മേഘപ്പൂവേ-
ഹൈമവതപ്പൂവേ-
ആകാശക്കൊമ്പില്‍ പൂക്കും-
തുമ്പപ്പൂവേ.
കുഞ്ഞികാലടിവച്ചീ-
തിരുമുറ്റം മൂടാന്‍,
വരുമോ വീണ്ടും നീ-
വരുമൊ വീണ്ടും നീ?

Generated from archived content: poem2_may26_12.html Author: joseph_nambimadam

അഭിപ്രായങ്ങൾ

അഭിപ്രായങ്ങൾ

SHARE
Previous articleവിരലുകള്‍
Next articleപുഷ്പവിളകള്‍ തുടര്‍ച്ച
ചങ്ങനാശ്ശേരി വടക്കേക്കര സ്വദേശി, ഇപ്പോൾ അമേരിക്കൻ പ്രവാസി. അമേരിക്കയിലേയും കേരളത്തിലെയും ആനുകാലികങ്ങളിൽ സ്ഥിരമായി എഴുതുന്നു. അമേരിക്കയിലെ സാഹിത്യ സാംസ്‌കാരിക സംഘടനയിൽ സജീവ പ്രവർത്തകനാണ്‌. കേരള ലിറ്റററി അസോസിയേഷൻ ഓഫ്‌ നോർത്ത്‌ അമേരിക്ക(LANA)യുടെ സ്ഥാപക സംഘാടാകനാണ്‌. മലയാള സാഹിത്യപുരസ്‌കാരം (2000), മലയാളവേദി സാഹിത്യപുരസ്‌കാരം (2000) ഫൊക്കാന സാഹിത്യപുരസ്‌കാരം (2002) തുടങ്ങി ഒട്ടേറെ പുരസ്‌കാരങ്ങൾക്ക്‌ അർഹനായിട്ടുണ്ട്‌. കേരള സാഹിത്യ അക്കാദമി പ്രസിദ്ധീകരിക്കുന്ന ‘പ്രവാസി കവിത’യുടെ ഗസ്‌റ്റ്‌ എഡിറ്ററാണ്‌. നിസ്വനായ പക്ഷി (കവിത സമാഹാരം), കൊച്ചുകൊച്ചു കാര്യങ്ങളുടെ തമ്പുരാൻ എന്ന അരുദ്ധതി നക്ഷത്രം (ലേഖന സമാഹാരം) ഉഷ്‌ണമേഖലയിലെ ശലഭം (കഥാസമാഹാരം), തിരുമുറിവിലെ തീ (കവിത സമാഹാരം) എന്നിവയാണ്‌ പ്രസിദ്ധീകരിച്ച കൃതികൾ. 818 Summer Drive Mesquite, TX 75149, USA Address: Phone: 9722888532

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English