കുറുങ്കവിതകൾ


1. വോട്ടർ

തിരഞ്ഞെടുപ്പുവരെ നമ്മൾ
വിലപ്പെട്ട വോട്ടുകുത്തികൾ.
അതുകഴിഞ്ഞാൽ പിന്നെ
വിലകെട്ട നോക്കുകുത്തികൾ.


2. പരിണാമം

വിഷം ശ്വസിക്കുന്നു
വിഷം കഴിക്കുന്നു.
വിഷ ജീവിയായി പരിണമിക്കുന്നു.
ഭിഷഗ്വരരെല്ലാം വിഷഗ്വരരായി
വിഷയലമ്പടസ്സട കുടയുന്നു.


3. ബോധം

ആദ്യം മിഴിതെളിഞ്ഞു
പിന്നെ മൊഴി തെളിഞ്ഞു
ശേഷം വഴിയും തെളിഞ്ഞു
ബോധം എന്നിട്ടും തെളിഞ്ഞില്ല.


4. വികല

പാചകം ഒരു കല,
വാചകവും മറ്റൊരു കല.
പാചകമറിയാത്തവരുടെ വാചകം
വെറും വികല.


5. പാതകം

പാകമാകാത്തവരുടെ,
കർമ്മമാണ്‌ പാതകം.

Generated from archived content: poem2_feb16_06.html Author: dineshan_konniyur

അഭിപ്രായങ്ങൾ

അഭിപ്രായങ്ങൾ

SHARE
Previous articleരണ്ടുകവിതകൾ
Next articleരണ്ടു കവിതകൾ
Avatar
പത്തനംതിട്ട ജില്ലയിൽ കോന്നി വെളളപ്പാറ സ്വദേശി. അഖില കേരള ബാലജന സഖ്യത്തിലൂടെ സാഹിത്യ രംഗത്തെത്തി. എഞ്ചിനീയറിംഗിൽ ഡിപ്ലോമ. നിരവധി നാടകങ്ങളും നാടകഗാനങ്ങളും രചിക്കുകയും നാടകങ്ങളിൽ അഭിനയിക്കുകയും ചെയ്‌തു. ആകാശവാണിയിൽ ഗാനങ്ങൾ പ്രക്ഷേപണം ചെയ്‌തിട്ടുണ്ട്‌. മറുനാടൻ മലയാളി സംഘടനകളിലും ബോംബെ വിശാലകേരളം മാസികയിലും സജീവമായി പ്രവർത്തിച്ചു. കേരളത്തിനകത്തും പുറത്തുമുളള ആനുകാലികങ്ങളിൽ കവിതകളും ലേഖനങ്ങളും എഴുതാറുണ്ട്‌. ഇപ്പോൾ സൗദി അറേബ്യയിൽ ജോലി ചെയ്യുന്നു. അമേരിക്കയിൽ നിന്ന്‌ പ്രസിദ്ധീകരിക്കുന്ന ഭാഷാകേരളം മാസികയുടെ അസ്സോസിയേറ്റ്‌ എഡിറ്ററും സൗദി അറേബ്യയിലെ മലയാളം ആർട്‌സ്‌ സൊസൈറ്റിയുടെ പ്രസിഡന്റുമാണ്‌. വിവാഹിതൻ. ഭാര്യ ഃ ഫിലോമിന. മക്കൾ ഃ സുബി, സ്‌നേഹ, യേശുദാസ്‌. വിലാസംഃ പി.ബി.നം. 200, സാംതാഹ്‌, ജിസാൻ, സൗദി അറേബ്യ. സുഹാസ്‌, ലക്കൂർ, വെളളപ്പാറ പി.ഒ., കോന്നി പത്തനംതിട്ട Address: Phone: 00966-7-3321621,00966-52760927,0468 2246778 Post Code: 689 705

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English