യാത്ര

ഒരു നീർത്തുള്ളി മാത്രമെൻ മിഴിയിൽ

ഓർമ്മത്താളുകളിലൊരു മഴപ്പെയ്‌ത്തിനായ്‌….

ഒരു നിശ്ശബ്‌ദ സങ്കീർത്തനമെൻ നിനവിൽ,

ഭഗ്‌ന സ്വപ്‌നങ്ങൾക്കു താരാട്ടായ്‌….

തനുത്ത സ്‌പർശമെൻ വിരൽത്തുമ്പിൽ

പറയാൻ മറന്ന പ്രണയത്തെ തലോടിയുണർത്താൻ….

ഒരു രക്തതുള്ളി മാത്രം ബാക്കിയെൻ സിരകളിൽ

കൈക്കുടന്നയിലൂടൂർന്നു പോയൊരെൻ-

ജീവിതത്തിൻ തർപ്പണത്തിനായ്‌….

കാത്തിരുന്നു, ഞാനീയിരുട്ടിൽ, സൂര്യശിഖരത്തിൻ-

കരുണ വറ്റാത്ത വെളിച്ചക്കൈകളെ…..

വന്നതില്ലാരുമെൻ കിനാക്കളെ പങ്കിട്ടെടുക്കുവാൻ

തന്നതോ, ശാപവചനങ്ങൾ തൻ പേമാരി മാത്രം.

ചോര മണക്കുന്ന……..,

കണ്ണീരുണങ്ങാത്ത വിജനവീഥിയിലൂടെ;

ഉടഞ്ഞ സ്വപ്‌നങ്ങളുടെ പാഥേയവുമായി,

ആർക്കോ, എപ്പോഴോ നഷ്‌ടമായ

കിനാത്തുണ്ടുകളും പെറുക്കിയെടുത്ത്‌,

അസ്‌ഥിക്കുടുക്കയിൽ, അസ്‌തമിക്കാത്ത പ്രതീക്ഷകളുമായി

തുടരട്ടെ, ഞാനെൻ മോക്ഷയാത്ര.

Generated from archived content: poem1_aug10_09.html Author: deepu_sasi

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English