“ഹായ്‌…”- റിയാസ്‌ഖാൻ നായകവേഷത്തിൽ

ഒട്ടേറെ വില്ലൻ കഥാപാത്രങ്ങളെ അവതരിപ്പിച്ച്‌ ശ്രദ്ധ നേടിയ റിയാസ്‌ഖാൻ ‘ഹായ്‌…’ എന്ന ചിത്രത്തിലൂടെ നായകനാകുന്നു. കൊച്ചിയിലും മലമ്പുഴയിലുമാണ്‌ ചിത്രീകരണം നടക്കുന്നത്‌. എ.വൺ എന്റർടൈൻമെന്റ്‌സിന്റെ ബാനറിൽ പി.അബ്ദുൾഖാദർ നിർമ്മിക്കുന്ന ‘ഹായ്‌’ എന്ന ചിത്രത്തിന്റെ സംവിധായകൻ കെ.ആർ.രാംദാസാണ്‌. പുതുമുഖമായ മേഘനയാണ്‌ റിയാസിന്റെ നായിക. ഈ ചിത്രം തമിഴിലും റീമേക്ക്‌ ചെയ്യുവാൻ സാധ്യതയുണ്ട്‌. ഫ്ലാറ്റു ജീവിതത്തിനിടയിലെ രസകരമായ സംഭവങ്ങൾ കോർത്തിണക്കിയാണ്‌ ‘ഹായ്‌’ ചിത്രീകരിക്കുന്നത്‌. ബിയാർ പ്രസാദിന്റെ രചനയിൽ ദേവരാജൻ മാസ്‌റ്ററുടെ ശിഷ്യനായ ബി.ജെ.പ്രകാശ്‌ സംവിധാനം ചെയ്യുന്ന അഞ്ചുപാട്ടുകൾ ഈ ചിത്രത്തിലെ പ്രത്യേകതയാണ്‌. രശ്‌മി, വിജീഷ്‌ എന്നീ പുതുമുഖഗായകരും ഈ ചിത്രത്തിലൂടെ കടന്നുവരുന്നു.

ജഗതി ശ്രീകുമാർ, ഇന്ദ്രൻസ്‌, ചാരുഹാസൻ, സാലു കൂറ്റനാട്‌ തുടങ്ങിയ താരങ്ങൾ ഈ ചിത്രത്തിൽ വേഷങ്ങൾ ചെയ്യുന്നുണ്ട്‌. ഛായാഗ്രഹണം -ഉൽപൽ വി.നായർ, കല – രൂപേഷ്‌ ചീയ്യാരം, ചമയം – ബോബൻ, സംഘട്ടനം – മാഫിയ ശശി, എഡിറ്റിംഗ്‌ -കെ. രാജഗോപാൽ എന്നിവരാണ്‌.

Generated from archived content: cinema1_aug20.html

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English