ശ്രീവിദ്യയുടെ മോഹം ഫലിച്ചു;സത്യൻ ചിത്രത്തിൽ വേഷം

സത്യൻ അന്തിക്കാട്‌ ചിത്രത്തിൽ സഹകരിക്കണമെന്ന്‌ ശ്രീവിദ്യയുടെ നീണ്ടകാലത്തെ മോഹം സഫലമാകുന്നു. ആശീർവാദ്‌ സിനിമയുടെ ബാനറിൽ സത്യൻ അന്തിക്കാട്‌ സംവിധാനം ചെയ്യുന്ന മോഹൻലാൽ ചിത്രത്തിലാണ്‌ ശ്രീവിദ്യ പ്രധാന കഥാപാത്രമാകുന്നത്‌. നീണ്ട ഇടവേളക്കുശേഷം ഈ അനുഗൃഹീതതാരം മലയാള സിനിമയുടെ ഭാഗമാകുകയാണ്‌. അമ്മ വേഷങ്ങളിൽ ടൈപ്പാകാൻ ഇല്ലെന്ന്‌ പ്രഖ്യാപിച്ച്‌ സിനിമയിൽ നിന്നും വിട്ടുനിന്ന ശ്രീവിദ്യ ടെലിവിഷൻ പരമ്പരകളിലാണ്‌ പ്രധാനമായും ശ്രദ്ധ കേന്ദ്രീകരിച്ചിരിക്കുന്നത്‌.

ദക്ഷിണേന്ത്യയിലെ മുൻനിര സംവിധായകരടക്കം മിക്കവാറും എല്ലാ സംവിധായകർക്കു കീഴിലും അഭിനയിച്ച ശ്രീവിദ്യ സംസ്ഥാന-ദേശീയ അവാർഡുകൾ നേടിയിട്ടുണ്ട്‌. സ്‌ത്രീയുടെ വ്യത്യസ്‌ത മുഖങ്ങൾ അവതരിപ്പിക്കാൻ ഭാഗ്യം സിദ്ധിച്ച അപൂർവ്വം നായികമാരിൽ ഒരാളായ ശ്രീവിദ്യ മാതാവ്‌ എം.എൽ.വസന്തകുമാരിയുടെ പാത പിന്തുടരുകയാണിപ്പോൾ. കർണാടക സംഗീതരംഗത്ത്‌ സജീവമായിട്ടുളള ശ്രീവിദ്യ സ്വന്തമായി രചിച്ച്‌ ചിട്ടപ്പെടുത്തിയ കീർത്തനങ്ങളും ആലപിച്ചു വരുന്നു.

Generated from archived content: cinema4_nove16_05.html Author: chithra_lekha

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English