അച്‌ഛനും മകനും

ജനിച്ചയുടൻ മകൻ അച്‌ഛനോടു ചോദിച്ചു.

“അച്‌ഛാ അമ്മക്കെന്നും വീടുജപ്‌തിയുടെ പേടിയാണ്‌. എന്നെ ഉദരത്തിൽ വഹിക്കുമ്പോൾ അവർ ഇടക്കിടെ പേടിസ്വപ്‌നങ്ങൾ കണ്ട്‌ ഞെട്ടിയിരുന്നു. ബ്ലേഡുകമ്പനിക്കാരോട്‌ അച്‌ഛൻ ഒഴിവുകഴിവുകൾ പറയുന്നത്‌ ഞാനിന്നും കേട്ടു. എനിക്കു ലഭിച്ച ആഹാരം പോലും കഷ്‌ടിയാണ്‌. നിങ്ങൾക്ക്‌ തൊഴിലുറപ്പില്ലെന്ന്‌ എനിക്കറിയാം. തെരുവിലേക്കോ തീവണ്ടിച്ചക്രങ്ങൾക്കിടയിലേക്കോ കീടനാശിനി കലർത്തിയ ഭക്ഷണത്തിലേക്കോ നാം മൂവരും വൈകാതെ സഞ്ചരിക്കും….”

മധ്യവയസ്‌കനായ അച്‌ഛൻ യാതൊരു വെടിപ്പുമില്ലാതെ വളർന്ന താടിക്കു കൈയും കൊടുത്തിരിക്കുകയായിരുന്നു.

അച്ഛനോട്‌ മകൻ കുഞ്ഞുനാവുകൾകൊണ്ട്‌ വിലാപസ്വരത്തിൽ വീണ്ടും ചോദിച്ചു.

“….. എന്നിട്ടും എന്തിനാണച്‌ഛാ… എന്നെ?”

“ഇതെല്ലാം ഒന്ന്‌ നേരെയാക്കിയെടുക്കുവാൻ നീ തന്നെ വലുതാവണം മകനേ.”

അന്നുമുതലാണ്‌ മകൻ വളരാൻ തുടങ്ങിയത്‌.

Generated from archived content: story1_nov12_08.html Author: c_ganesh

അഭിപ്രായങ്ങൾ

അഭിപ്രായങ്ങൾ

SHARE
Previous articleനെസ്‌റ്റ്‌
Next articleശില്‌പം
1976-ൽ പാലക്കാട്‌ ജില്ലയിൽ മാത്തൂരിൽ ജനനം. ക്രിയാത്‌മക കഥാപാത്രങ്ങൾ, നനഞ്ഞ പതിവുകൾ, ചെമ്പകം (കഥകൾ) ഇണ&ജീവതം (നോവൽ) പ്രസിദ്ധപ്പെടുത്തി. അങ്കണത്തിന്റെ കൊച്ചുബാവ പുരസ്‌കാരം, നെഹ്‌റുയുവകേന്ദ്ര യുവഎഴുത്തുകാർക്കു നൽകുന്ന അവാർഡ്‌, ആലോചന സാഹിത്യവേദിയുടെ മുണ്ടൂർകൃഷ്‌ണൻകുട്ടി സ്‌മാരകപുരസ്‌കാരം എന്നിവ ലഭിച്ചു. സ്‌കൂൾ അദ്ധ്യാപകൻ. കാലടി ശ്രീശങ്കര സർവ്വകലാശാലയിൽ ഓണത്തെക്കുറിച്ച്‌ ഗവേഷണം നടത്തി. ഭാര്യഃ സ്‌മിത ഗണേഷ്‌. മകൾഃ സ്‌നിഗ്‌ദ്ധ (തംബുരു). വിലാസംഃ ഭാമിനി നിലയം, മാത്തൂർ പി.ഒ, പാലക്കാട്‌ - 678 571. Address: Phone: 9847789337

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English