വെളിച്ചം

ഇലകൾ വീഴുമെൻ മുറ്റത്തുകൂടിയാ

ഇരവിൻ ദീപമൊലിച്ചുപോയിന്നലെ

ഇനിയുമോതാൻ മടിച്ചതാണോമനേ

ഇതൾവിടർത്തുമെൻ മോഹങ്ങളത്രയും

തിരികൾ നീട്ടിയാ ആകാശവീഥിയിൽ

തിരയും നക്ഷത്രകന്യകൾ കേട്ടുവോ

ഇനിയൊളിക്കുവാൻ വയ്യ! വരൾച്ചയെൻ

നിനവിൽ നീറിപ്പിടിക്കുന്നു മൂകമായ്‌

കവിയുമോരോ കിനാവിന്റെ തുളളിയീ-

ക്കവിളിലൂടെ,പ്പടരുന്നവേളയിൽ

കരുണയോടെ പറയുന്നു നീയെന്റെ

കരളിനെന്തിനീ നോവുനൽകീടുന്നു

പ്രഥമ ദർശനമിത്രമേലാഹ്ലാദ

പ്രമദമാക്കിയ നല്ലകാലങ്ങളും

പ്രതിഫലിച്ചു നിൻമിഴികളിൽ നിന്നെന്റെ

പ്രണയമത്രയും വായിച്ചറിഞ്ഞു ഞാൻ

കഥ പറഞ്ഞുചിരിക്കാം ഇടയ്‌ക്കിടെ-

ക്കവിതചൊല്ലിക്കരയാം കറുത്തവാവ-

രികിലെത്തുമ്പോൾ കാക്കൾ ചെയ്യുന്ന

കപടസത്യം മറക്കാം പ്രിയസഖീ

ഇവിടെയൽപ്പം വെളിച്ചം കൊളുത്തുനീ

ഇനിയൊരർദ്ധം തുടങ്ങാം നമുക്കിനി

തമസ്സ്‌ ധന്യമെന്നോതാതിരിക്കുവാൻ

തപസ്സ്‌ ചെയ്യുമീവെട്ടം മനോഹരം…

Generated from archived content: poem_dec31.html Author: anuji_k_bhasi

അഭിപ്രായങ്ങൾ

അഭിപ്രായങ്ങൾ

SHARE
Previous articleമലയാളം
Next articleആത്‌മരാഗം
20-5-77-ൽ ജനനം. അച്ഛൻ ശ്രീ ഇത്തിത്താനം ഭാസി, അമ്മ ശ്രീമതി രാധാഭാസി. 1996-ൽ സിനിമാ മേഖലയിൽ ‘ശിഥില ശിശിരം’ എന്ന ആദ്യകവിത അച്ചടിച്ചു. തുടർന്ന്‌ സാഹിത്യപത്രത്തിലും കവിതകൾ പ്രസിദ്ധീകരിച്ചു. 1998-ൽ മാതൃഭൂമിയുടെ ദിനപ്പത്രത്തിൽ ‘സ്നേഹപൂർവ്വം’ എന്ന കവിതയും പ്രസിദ്ധീകരിച്ചു. ഇലച്ചാർത്ത്‌, കവിമൊഴി, ഉൺമ എന്നീ മാസികകളിലും കവിതകൾ എഴുതിയിട്ടുണ്ട്‌. 2000-ൽ മാതൃഭൂമിയുടെ ആഴ്‌ചപ്പതിപ്പിൽ ‘ഓർമ്മയിൽ ഒരു വസന്തം’ എന്ന കവിത വെളിച്ചം കണ്ടു. ഏഷ്യാനെറ്റ്‌ കേബിൾ വിഷനുവേണ്ടി രണ്ട്‌ തിരക്കഥകൾ രചിച്ചിട്ടുണ്ട്‌. ഒരു ഡോക്യുമെന്ററിക്ക്‌ സ്‌ക്രിപ്‌റ്റും. കോട്ടയം കവിസംഘത്തിലെ അംഗമാണ്‌. വിലാസം ഇത്തിത്താനം പി.ഒ, ചങ്ങനാശ്ശേരി - 686 535 കോട്ടയം.

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English