അഭിമന്യുവിനോട്‌ ചോദിക്കാം

1. മന്മഥൻ, യു.എസ്‌.എ.

ചോദ്യം ഃ കേരളത്തിലെ യുവാക്കളെല്ലാം ഗുണ്ടായിസത്തിലേയ്‌ക്ക്‌ തിരിയുന്നു. ഇതിനെ ചെറുക്കേണ്ട കടമ നമുക്കെല്ലാവർക്കും ഇല്ലേ അഭിമന്യൂ..?

ഉത്തരം ഃ മന്മഥാ… അവരെന്തെങ്കിലും പണിയെടുത്ത്‌ അരി മേടിച്ചോട്ടെ…

* * * * * * * * * * * * * * * * * * * * * * * * * * * * * * * *

2. ജോഷി, ദുബൈയ്‌

ചോദ്യം ഃ “വിദ്യാഭ്യാസ സ്വകാര്യവത്‌ക്കരണത്തിനെതിരെ എസ്‌.എഫ്‌.ഐ. സമരം ചെയ്‌തു. പോലീസവരെ ക്രൂരമായി മർദ്ദിച്ചു.” വിദ്യാഭ്യാസരംഗത്തെ കച്ചവടവത്‌ക്കരിക്കുന്നതിനെ എതിർക്കാൻ എസ്‌.എഫ്‌.ഐ കേരളത്തിൽ ഇപ്പോഴും സജീവമാണല്ലേ…?

ഉത്തരം ഃ ശരിയാണ്‌, കഴിഞ്ഞ ഇടതു ഗവൺമെന്റ്‌ പ്ലസ്‌ടൂ കച്ചവടം നടത്തിയതിന്റെ ഓഹരി ഇപ്പോഴായിരിക്കും കുട്ടിസഖാക്കൾക്ക്‌ കിട്ടിയത്‌. അതിന്റെ ഊർജ്ജം കാണിക്കാതെ വയ്യല്ലോ… സമരം നടക്കട്ട്‌..

* * * * * * * * * * * * * * * * * * * * * * * * * * * * * * * *

3. അബ്ദുള്ള . സി . ജമാൽ ( ഇ മെയിൽ വഴി )

ചോദ്യം ഃ കരുണാകരൻ ഇന്ത്യയുടെ അടുത്ത രാഷ്‌ട്രപതിയായാൽ?

ഉത്തരം ഃ എ.കെ.ആന്റണി അൽ-ഖ്വയ്‌ദയിൽ മെമ്പർഷിപ്പിന്‌ അപേക്ഷിക്കും.

* * * * * * * * * * * * * * * * * * * * * * * * * * * * * * * *

4. നദീൻ ജാസ്മിൻ , ദുബായ്‌

ചോദ്യം ഃ ഇന്ത്യൻ രാഷ്‌ട്രപതി എ.പി.ജെ അബ്‌ദുൾ കലാം തന്റെ മുടിവെട്ടുകയും നന്നായി കുളിക്കുകയും ചെയ്‌താൽ വിദേശരാഷ്‌ട്രങ്ങൾ എന്തുകരുതും?

ഉത്തരം ഃ നല്ലൊരു ശാസ്‌ത്രജ്ഞനെ ‘കുളിപ്പിച്ച്‌ കുറിതൊടുവിച്ചു’ എന്ന്‌ കരുതും.

* * * * * * * * * * * * * * * * * * * * * * * * * * * * * * * *

5. ഷിലിൻ, ചെറായി.

ചോദ്യം ഃ നല്ല നേരത്ത്‌ ജനിച്ചില്ല, പ്രണയിക്കേണ്ട സമയം പ്രണയിച്ചില്ല, വിവാഹം കഴിക്കേണ്ട സമയം വിവാഹവും കഴിച്ചില്ല. എന്റെ ജീവിതം പാഴായെന്ന തോന്നൽ…?

ഉത്തരം ഃ ചാവേണ്ട സമയത്ത്‌ കൃത്യമായി ചത്ത്‌ അല്പം ആശ്വാസം നേട്‌ സുഹൃത്തേ…

* * * * * * * * * * * * * * * * * * * * * * * * * * * * * * * *

6. ബിജു സിദ്ധാർത്ഥ, കൊച്ചി.

ചോദ്യം ഃ കൗമാരത്തിലെ സ്വപ്നമായിരുന്ന പെണ്ണിനെ മക്കളോടൊപ്പം ബസ്സ്‌ സ്‌റ്റോപ്പിൽ വച്ചുകണ്ടാൽ…?

ഉത്തരം ഃ മാമൻ മക്കൾക്ക്‌ നാലു മുട്ടായി വാങ്ങിക്കൊടുത്ത്‌ ആ കാര്യമസാനിപ്പിക്ക്‌..

* * * * * * * * * * * * * * * * * * * * * * * * * * * * * * * *

Generated from archived content: question_aug.html Author: abhimanyu

അഭിപ്രായങ്ങൾ

അഭിപ്രായങ്ങൾ

SHARE
Previous articleഅഭിമന്യുവിനോട്‌ ചോദിക്കാം
Next articleഅഭിമന്യുവിനോട്‌ ചോദിക്കാം
വായനക്കാർക്ക്‌ അഭിമന്യുവിനോട്‌ എന്തും ചോദിക്കാം. അഭിമന്യു ചക്രവ്യൂഹത്തിലെ അടവുകൾ പഠിച്ചവനാണ്‌ എന്നോർക്കുക. അഭിമന്യുവിനെ ഉത്തരം കിട്ടാതെ അടിയറവു പറയിക്കുന്ന ചോദ്യത്തിന്‌ 250 രൂപാ വിലയുളള പുസ്‌തകങ്ങൾ സമ്മാനമായി നൽകുന്നതാണ്‌. ഇ-മെയിലിൽ ചോദ്യങ്ങൾ ഇംഗ്ലീഷിലും അയക്കാവുന്നതാണ്‌. അത്‌ പരിഭാഷപ്പെടുത്തി പ്രസിദ്ധീകരിക്കുന്നതാണ്‌. Address: HASH(0x7fbdb485ba28)

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English