മഞ്ഞുകാലത്തിലെ പ്രണയം

ഹിമത്തിൻ നൂലിഴ തുന്നുന്നു

നിന്റെ മനപ്പുടവ.

സ്വപ്‌നത്തിൻ

ഉറുമാൻ പഴം കൊത്തുന്നൂ

കരിങ്കാലൻ കാക്ക.

തിരകളെഴുതുന്നൂ

പുതുചരിത്രത്തിൻ മണലെഴുത്തുകൾ.

ഇലപ്പച്ചയിൽ നിണപ്പാടുകൾ

പ്രണയത്തിൻ അടിവസ്‌ത്രത്തിൽ

മുൾമുന തട്ടിയ പോറലുകൾ

രാവും

പേക്കിനാവും

നിന്റെ കൂട്ടുകാർ.

കടലിൻ സിംഫണിയിൽ കേൾക്കാം

വഴി തെറ്റിയവന്റെ രോദനം

കാറ്റിൻ

ചിറകിലേറാൻ ഒരു പക്ഷിക്കുഞ്ഞിന്റെ

തൂവലുപോലുമില്ലാത്തവൻ.

എന്റെ

മനസ്സിൻ മണൽത്തീരത്ത്‌

നിന്റെ സ്നേഹം

കരിമ്പിൻ ചണ്ടിയായി ചീഞ്ഞു

നാറുന്നു.

മഞ്ഞുകാലത്ത്‌

ഞാൻ പ്രണയിക്കാറില്ല

പെൻഗ്വിൻ പക്ഷിയെ

വേട്ടയാടുന്നവന്റെ

അന്നമാണ്‌

അപ്പോൾ പ്രണയം.

Generated from archived content: poem_april23.html Author: abdulsalaam

അഭിപ്രായങ്ങൾ

അഭിപ്രായങ്ങൾ

SHARE
Previous articleഅനാഥർ
Next articleഗൗതമനോട്‌….
കണ്ണൂര്‍ സ്വദേശി. തലശ്ശേരി ഗവഃബ്രണ്ണര്‍ കോളേജില്‍ ഒന്നാംവര്‍ഷ ഡിഗ്രി വിദ്യാര്‍ത്ഥി. കവിതയ്‌ക്ക്‌ ലോക മലയാളി വിദ്യാര്‍ത്ഥികള്‍ക്കായുളള ഗള്‍ഫ്‌ വോയ്‌സ്‌ അവാര്‍ഡ്‌, മാതൃഭൂമി വിഷുപ്പതിപ്പ്‌ സമ്മാനം, രണ്ടുവട്ടം സംസ്ഥാന യുവജനോത്സവത്തില്‍ കവിതയ്‌ക്ക്‌ ഒന്നാം സമ്മാനം, യുവകവികള്‍ക്കായുളള എന്‍.എന്‍. കക്കാട്‌ അവാര്‍ഡ്‌, ബാലസാഹിത്യ ഇന്‍സ്‌റ്റിറ്റ്യൂട്ട്‌ പുരസ്‌കാരം തുടങ്ങിയവ ലഭിച്ചിട്ടുണ്ട്‌. വിലാസം സുഹറാസ്‌, ചെക്കിക്കുളം പി.ഒ. കണ്ണൂര്‍. Address: Post Code: 670 592

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English