ഏകാന്തത

 

 

നിശബ്ദതയുടെ കനം നിറഞ്ഞ നിഗൂഢമായൊരറയാണീയേകാന്തത…

നിന്നെ പുൽകാനാവാതെ വിറച്ച കൈകളാണവ!
ശൂന്യത കൂടിയേറിയ അഗ്നിപർവ്വതാവശിഷ്ടങ്ങൾ!
കണ്ണീരുറഞ്ഞ തലയിണ കണക്കുകൾ,
വിശന്നിട്ടുമറിയാതെ പ്പോയ ഉദരത്തിന്റെ നിശ്ചലത,

ഏകാന്തതയ്ക്ക് നിന്നിലെത്തി ചേരാനാവാതെ പൊലിഞ്ഞ ഉമ്മകളുടെ നിറം.
സ്വർഗ്ഗത്തിലലയാൻ കൊതിച്ചൊരു ഗന്ധർവ്വന്റെ ആർത്തനാദം.
വിരഹസ്വപ്നങ്ങളുടെ തീരത്ത് നിന്നെന്നെ നീ വിളിക്കുന്ന ശബ്ദങ്ങളാണവ!
നക്ഷത്രത്തിലലിഞ്ഞപ്പൊഴും എന്നെത്തേടിയ നിന്റെ നിശ്വാസമാണത്.
ശവ കോട്ടയിലും നിന്റെ സ്പർശനം തേടിയ ഭ്രാന്ത്!

നിന്നിലലിയുന്ന മരണദിന പ്രതീക്ഷ…!
പുനർജന്മ ജീവിതക്കിനാവുകൾ..!
ഏകാന്തത, രക്ഷപ്പെടാനാവാതെ നിന്നിലേക്കടക്കപ്പെട്ട ഒറ്റവാതിൽ!

അഭിപ്രായങ്ങൾ

അഭിപ്രായങ്ങൾ

SHARE
Previous articleഅഭയം അപായം
Next articleഅധീനൻ
ഫില്ലീസ് ജോസഫ്‌
ഞാൻ ഫില്ലീസ് ജോസഫ് . അധ്യാപികയും മോട്ടിവേഷനൽ ട്രയിനറുമാണ്. കേരളത്തിൽ കൊല്ലം ജില്ലയിലെ കുണ്ടറയിലുള്ള പ്രകൃതി രമണീയമായ പടപ്പക്കര എന്ന കൊച്ചു ഗ്രാമത്തിലാണ്.ചെറുകഥയും കവിതകളും എഴുതാറുണ്ട്. കലാലയ കാലം മുതൽ സമ്മാനങ്ങൾ ലഭിച്ചത് എന്റെ രചനാവഴികളിൽ പുതു പ്രഭ നൽകി. അഞ്ച് ചെറുകഥകൾ , രണ്ട് കഥാ സമാഹാരങ്ങളിലായി സാഹിതി പബ്ലിക്കേഷൻ പ്രസിദ്ധീകരിച്ചിട്ടുണ്ട്. ബഹു. ജോർജ്ജ് ഓണക്കൂറാണ് പ്രകാശനം നിർവഹിച്ചത്.നോവലും കവിതാ സമാഹാരവും പ്രസിദ്ധീകരണത്തിന് തയ്യാറാവുന്നു. 5 കവിതകളുടെ വീഡിയോ റിലീസിംഗ് ഈയിടെ നടന്നു.

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English