ലോക്ഡൗൺ

കർഫ്യൂവിനെപ്പറ്റി ഒരിക്കൽ കവിത എഴുതിയപ്പോൾ
കവി കരുതിയില്ല ഒരിക്കൽ തനിക്കും ഇങ്ങനെ വരുമെന്ന്..
അനുവാദമില്ലാതെ പുറത്തിറങ്ങാൻ കഴിയാതിരിക്കുന്നതിന്റെ
ദു:ഖം ഹൃദയവേദനയോടെയാണ് അന്ന് കുറിച്ചിട്ടത്..
ഇന്നിപ്പോൾ പുറത്തിറങ്ങണമെങ്കിൽ സമ്മതപത്രം
പൂരിപ്പിച്ച് നൽകി കാത്തിരിക്കണം..
കഴിഞ്ഞ ദിവസം കടയിൽ പോകാൻ
മാസ്ക്കില്ലാതെ പുറത്തിറങ്ങിയതിന്
ആയിരം പിഴ കിട്ടിയപ്പോഴാണ് ഇത്ര നാളും
ആരോടും ചോദിക്കാതെ മുഖവും തുറന്ന്
കറങ്ങി നടന്നതിന്റെ
വില കവി കൂട്ടി നോക്കിയത്..
വീടിനകത്ത് നിന്ന് ജനലിലൂടെ
പുറത്തേക്ക് നോക്കുമ്പോഴാണ്
സ്വാതന്ത്ര്യത്തിന്റെ വില
കവിക്ക് മനസ്സിലായത്.
‘’ബന്ധുര കാഞ്ചനക്കൂട്ടിലാണെങ്കിലും
ബന്ധനം ബന്ധനം തന്നെ പാരിൽ’’
എന്ന കവി വചനം
അർത്ഥ വ്യാപ്തിയോടെ പഠിക്കുന്നത്
ഇപ്പോഴാണ്..
സൻമാർഗത്തിന്റെയും ധാർമ്മികതയുടെയും
പാഠങ്ങൾ പണ്ട്
കേട്ടപ്പോഴും വായിച്ചപ്പോഴും കാര്യമായെടുത്തിരുന്നില്ല.
ഇന്ന് വീട്ടിൽ അടങ്ങി ഒതുങ്ങിയിരിക്കുമ്പോഴാണ്
ധാർമ്മികത
മനസ്സിലേക്ക് വീണ്ടും കടന്നു വരുന്നത്..
അല്ലെങ്കിലും നമ്മൾ മര്യാദയും ധർമ്മവുമൊക്കെ പഠിക്കണമെങ്കിൽ
മറ്റാര് പറഞ്ഞിട്ടും കാര്യമില്ല
വൈറസ് തന്നെ പറയണം..

അഭിപ്രായങ്ങൾ

അഭിപ്രായങ്ങൾ

SHARE
Previous articleവഴികൾ കൊട്ടിയടയ്ക്കപ്പെട്ടെങ്കിലും…
Next articleവൈസ്‌മെൻ ഇന്റർനാഷണൽ ക്ലബ്ബ്: ന്യൂയോർക്കിലെ കോവിഡ് പ്രതിരോധ നിരയിൽ, ആരോഗ്യ പരിപാലന രംഗത്ത് മുൻനിരയിൽ പ്രവൃത്തിച്ചവരെ ആദരിച്ചു
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ ജില്ലാ ലേബർ ഓഫീസിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English