പട്ടം

 

ആകാശ കടലിൽ
ഒരാറേഴ്‌ മീനുകൾ
തുള്ളികളിച്ച്
തമ്മിൽ കുതിച്ച്
ചെറുവാലിട്ടിളക്കി
കാറ്റിന്റെ തിരയിൽ
നീളത്തിലോടി
ചുറ്റി കറങ്ങി
പല നിറങ്ങളിൽ
കിലുകിലെ പായും
പള്ളത്തി കുഞ്ഞുങ്ങൾ.

മേഘങ്ങളവയെ മാടി വിളിച്ചു
സൂര്യനോ, സ്വർണ്ണതേരിൽ ക്ഷണിച്ചു
താഴെ ചരട് വലിച്ച ജന്മങ്ങൾ
ഏതുമറിയാതെ
കൺ കൂർപ്പിച്ചു നിന്നു.

മേൽക്കൂരകൾ, മരങ്ങൾ, കിളികൾ, മേഘങ്ങളൊക്കെയും താണ്ടി ചെറുമീനുകൾ
ആകാശത്തിന്റെ ഉള്ളിലേക്ക് ഊളയിട്ടു പറന്നു
പിന്നെ
പൊട്ടിയ ചരടുകൾ വിട്ട്
മനുഷ്യർ മാളത്തിലേക്ക് പോയപ്പോൾ
ആകാശത്ത്
വാൽ നക്ഷത്രങ്ങളായ് പിറന്നു.

അഭിപ്രായങ്ങൾ

അഭിപ്രായങ്ങൾ

SHARE
Previous article രാജന്‍ മാരേട്ടിന് വിട
Next articleവയറും വിശപ്പും
സംഗീത കിരോഷ്‌
(Dr. P.V.Sangeetha) തൃശൂർ ജില്ലയിലെ ഇരിഞ്ഞാലക്കുടയാണ് സ്വദേശം.  മഹാത്മാഗാന്ധി സർവകലാശാലയിൽ നിന്ന് പത്രപ്രവർത്തനത്തിൽ ബിരുദാനന്തര ബിരുദവും  എം ഫിലും , ചെന്നൈ അണ്ണാ സർവകലാശാലയിൽ നിന്ന് മീഡിയ സ്റ്റഡീസിൽ ഡോക്ടറേറ്റും നേടി. ചെന്നൈയിലെ എത്തിരാജ് കോളേജിൽ വിഷ്വൽ കമ്മ്യൂണിക്കേഷൻ വിഭാഗത്തിൽ അദ്ധ്യാപികയാണ്. നവ മാധ്യമങ്ങളെ സംബന്ധിച്ച് നിരവധി പഠനങ്ങൾ നടത്തിയിട്ടുണ്ട്. വായനയും എഴുത്തും ചിത്രംവരയും ഇഷ്ടവിനോദങ്ങൾ. 

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English