വയ്യ-വയ്യ

1

കേരളം കത്തുന്നു! കത്തുന്നു കേരളം!

കാണാനിതു വയ്യ-വയ്യ

അക്രമവാസന കത്തിപ്പടരുന്നു!

കാണാനിതു വയ്യ-വയ്യ

വർഗ്ഗീയവാദികൾ വാളുയർത്തീടുന്നു

കാണാനിതു വയ്യ-വയ്യ

പെൺവാണിഭങ്ങൾ പടർന്നുകത്തുന്നു!

കാണാനിതു വയ്യ-വയ്യ

അഴിമതി-അഴിമതി-യടിമുടിയഴിമതി!

കാണാനിതു വയ്യ-വയ്യ.

വിദ്യാലയങ്ങളെ ചോരയിൽ മുക്കുന്നു!

കാണാനിതു വയ്യ-വയ്യ

2

‘ക്രിസ്‌റ്റ്യാനൊ’ വീണു പിടഞ്ഞു മരിക്കുന്നു!

കാണാനിതു വയ്യ-വയ്യ

നാട്ടിലെമ്പാടും സ്‌പിരിറ്റൊഴുകീടുന്നു!

കാണാനിതു വയ്യ-വയ്യ

നദീജലം വിൽക്കുന്നു! കരിമണൽ വിൽക്കുന്നു!

കാണാനിതു വയ്യ-വയ്യ

ഇനിയെന്ത്‌ നാളെക്കൊടുക്കുവാനെന്നോർത്തു

മനമുരുക്കുന്നവർ! -വയ്യ

3

രാഷ്‌ട്രപതാക ചവിട്ടിമെതിക്കുന്നു!

കാണാനിതു വയ്യ-വയ്യ

സമ്പർക്കം! ജനസമ്പർക്കം! പൊടിപൂരം!

കാണാനിതു വയ്യ-വയ്യ

രാഷ്‌ട്രീയമൽപത്വം! പാപ്പരത്വക്കളി!

കാണുവാൻ-കേൾക്കുവാൻ-വയ്യ

മർത്ത്യന്റെയുളളിലെ സ്‌നേഹമെവിടെപ്പോയി?

കത്തുന്നു വൈര,മിതു-വയ്യ

തത്വമസിയുടെ തത്വമുദിക്കുവാ-

നിയെത്രനാൾ?-വയ്യ-വയ്യ

നാമെല്ലാമൊന്നെന്നബോധമുദിക്കുവാ-

നിയെത്രനാളെത്രനാൾ?

Generated from archived content: poem2_feb23.html Author: r_nambiyath

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English