രാമനാഥനെക്കുറിച്ച്‌

രാമനാഥനെ ഞാൻ കണ്ടിരുന്നില്ല

വഴിമാറി വീശിയ കാറ്റിലും

മനസ്സെവിടെയോ പിടഞ്ഞു വീണ ഭൂവിലും

വഴിമറന്നെങ്ങോ അലഞ്ഞെത്തിയ-

എന്റെ കിനാവിലും

രാമനാഥനെ ഞാൻ കണ്ടിരുന്നില്ല!

കരിമുകിൽ കാട്ടിൽ പറന്നണയാനെത്തിയ

എന്റെ ചിറകിലും

കഥ പറഞ്ഞിരിക്കാൻ-

രാമനാഥനെ ഞാൻ കണ്ടിരുന്നില്ല!

സർക്കാർ നീക്കിവച്ച വനഭൂമിയിലും,

ആട്ടിടയൻമാരുടെ താവളമായ പുൽമേടുകളിലും

ആടിപ്പാടി നടക്കാൻ-

രാമനാഥനെ ഞാൻ കണ്ടിരുന്നില്ല!

കാറ്റിൽ പറന്നു പൊങ്ങുന്ന എന്റെ കിനാക്കളേ

രാമനാഥന്റെ ഉണർത്തുപാട്ടായ്‌

സുഖനിദ്ര പുൽകാൻ

രാമനാഥനെ ഞാൻ കണ്ടിരുന്നില്ല!

ഈ പ്രണയിനിക്കായ്‌ മീട്ടിയ

മണിവീണയിൽ-

പനിനീർത്തോപ്പിലെ പശ്ചാത്തലത്തിൽ

മെയ്യോട്‌ മെയ്‌ ചേരാനാവാതെ

എങ്ങോ പറന്നു പോയിരുന്നോ… അവൻ…?

Generated from archived content: poem6_june17_05.html Author: kayyummu

അഭിപ്രായങ്ങൾ

അഭിപ്രായങ്ങൾ

SHARE
Previous articleനീ വന്നില്ല
Next articleചിറകുളള ചിന്തകൾ – 12
1962-ൽ ജനിച്ചു. തൃശൂർ ജില്ലയിലെ ചാവക്കാട്‌ താലൂക്കിൽ കോട്ടപ്പടിയിൽ താമസം. ചെറുപ്പം മുതൽ കവിതയിലും മാപ്പിളപ്പാട്ടിലുമായിരുന്നു താത്‌പര്യം. കഥ,കവിത, മാപ്പിളപ്പാട്ട്‌, ലളിതഗാനം കൂടാതെ നോവൽ, നോവലെറ്റ്‌, തിരക്കഥ, നാടകം തുടങ്ങിയവ എഴുതിയിട്ടുണ്ട്‌. 1990-ൽ ആകാശവാണി തൃശൂർ നിലയത്തിലൂടെയാണ്‌ കവിത പ്രക്ഷേപണം ആരംഭിച്ചത്‌. വിലാസം വി. കയ്യുമ്മു, വൈശ്യം ഹൗസ്‌, ചിറ്റേനി, കോട്ടപ്പടി പി.ഒ. തൃശൂർ ജില്ല Address: Phone: 9946029925 Post Code: 680505

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English