ഇനിയുളള നാളിൽ

നിന്നിലില്ലെയൊരു

ചെമ്പനീർ പൂവ്‌

തന്നുപോകുവാനീ

വിടപറയലിൽ

ഇടറരുതേ നിൻ

ചടുലവാക്കുകൾ

പടക്കുതിരയായ്‌

പുറപ്പെടുന്നേരം.

പഠിച്ചപാഠങ്ങൾ

വെറും തുടക്കങ്ങൾ

പഠിക്കുവാനില്ലെ

കഠിനപാഠങ്ങൾ?

കഴിഞ്ഞ നാളുകൾ

സ്‌മരിക്കുക വേണം

വഴികളിൽ നീളെ

വരുന്നാളുകളിൽ.

പടയോട്ടങ്ങളിൽ

നേടുക നേട്ടങ്ങൾ

നേടിക്കൊടുക്കുവാ-

നില്ലാത്തവർക്കെല്ലാം

കരുതിവെക്കുക

കരുത്ത്‌ നൽകുന്ന

ചിരകാലബന്ധ-

മിനിയുളള നാളിൽ!

Generated from archived content: poem7_mar25_06.html Author: a_gangadharan

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English