നീ

ഒരു മഞ്ഞുപൊഴിയുന്ന രാവിൽ

നീയെന്നെ തേടിവന്നു.

നീയെന്നിൽ കുളിരായ്‌ കനവായ്‌

ഒരു മഞ്ഞുതുളളിയായ്‌ നിറഞ്ഞുനിന്നു.

നിന്റെ പുഞ്ചിരിക്ക്‌

നിലാവിന്റെ പരിശുദ്ധി

നിന്റെ വെളളാരം കണ്ണുകളിൽ

തിളങ്ങുന്നതെന്റെ മുഖമാണോ?

ആ കണ്ണുകളിൽ സ്‌നേഹത്തിന്റെ

വാഗ്‌ദാനങ്ങളുണ്ടായിരുന്നു.

ഏകാന്തമാമെന്റെ യാമങ്ങളിൽ

നീയെന്നെ കുളിരണിയിച്ചുവോ

എല്ലാം കൊണ്ടും നിന്റെ സാമീപ്യം

എനിക്കൊഴിച്ചുകൂടാനാവാത്തതായ്‌…

നീയെന്റെ പ്രിയനെന്നും

മായാത്ത മഴവില്ലെന്നും

ഞാൻ വ്യാമോഹിച്ചു.

പിന്നീടെപ്പോഴോ മിഴികൾതുറക്കവെ

നീയെന്റെ മുന്നിലുണ്ടായിരുന്നില്ല.

Generated from archived content: poem8-feb.html Author: mansi-elizebeth

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English