അവകാശി

ഇതു നിന്റെ മണ്ണ്‌

നീയന്നരിഞ്ഞിട്ട ശിരസ്സുകൾ

ചിരിക്കുന്നു

കരയാൻ മറന്നതിനാലല്ല.

നിനക്കു മുൻപേ വന്നവനും

പറഞ്ഞിരുന്നു വാമൊഴി

ഇതെന്റെ മണ്ണ്‌

ഇന്നവനെവിടെ?

കാലത്തിന്റെ കളിയരങ്ങിൽ

അന്തകന്റെ കരസ്പർശമേറ്റ്‌

ചിറകൊടിഞ്ഞ കിളിയായി-

ഈ മണ്ണിലമർന്നു

നീ ചിരിക്കുകയോ… എന്തിന്‌

ഈ മണ്ണ്‌ നേടിയതിനാലോ

നാളെ നിന്നെ പിരിയാനും

സർപ്പശാപം പോലെയെത്തും

നിന്റെ പിൻഗാമികൾ

ജാഗരൂകനാവുകനീ

കയ്യിലൊതുങ്ങുന്നതെല്ലാം

ആറടി മണ്ണിലടക്കുക. പക്ഷെ

നിനക്കൊരിടം… എന്തിന്‌

എരിഞ്ഞു തീർന്ന നിന്റെയസ്തിക്ക്‌

ഈ ഭാരതപ്പുഴ തന്നെയധികം

തുടരുക നിന്റെ താണ്ഡവം

ഇന്നു നീ തന്നെയധികാരി

നാളെ മറ്റാരോ…

Generated from archived content: poem6_dce26_07.html Author: kunnath_padmanabhan

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English