എന്നും നൻമകൾ..

fb_img_1444472598644

ഹൃദയത്തിന്റെ പകുതി നിനക്ക് തരുമ്പോൾ
പകരം ചോദിച്ചത് സ്നേഹം മാത്രം
നീ തന്നത് ദു:ഖത്തിന്റെ പകുതി
പ്രണയപൂർവ്വകഥകൾക്ക് ചരമക്കുറിപ്പെഴുതി
മനസ്സ് ശൂന്യമായിട്ടത്
നിന്റെ സ്നേഹമേറ്റു വാങ്ങാൻ..

നിന്റെ മനസ്സിന്റെ ഗദ്ഗദവും
ഒടുങ്ങാത്ത പിണക്കത്തിന്റെ ഇരവുകളും
ഒരിക്കലും പെയ്തൊഴിയാത്ത
പരിഭവത്തിന്റെ മേഘപടലങ്ങളും….

സുഖത്തിനും നൊമ്പരം കൊണ്ട്
നിർവചനം തീർത്ത
നിന്നെ നിർവചിക്കാൻ
വാക്കുകളില്ലാതെയാകുമ്പോൾ..
നീ തന്ന നന്ദിയും നീ തന്ന നിന്ദയും
നീ പകർന്ന സുഖവും നീ പകർന്ന ദു:ഖവും..

ഇനി ഓർമ്മകൾ മാത്രം ബാക്കിയാകുമ്പോൾ
ഔപചാരികതയില്ലാത്ത ഒരു യാത്രാമൊഴി..
ദു:ഖമില്ലാതിരിക്കാൻ നിനക്ക് നൻമകൾ..

അഭിപ്രായങ്ങൾ

അഭിപ്രായങ്ങൾ

Previous articleചാനലിന്റെ ചാകരക്കൊയ്ത്ത്
Next articleജനപ്രിയ നടന്റെ തനിനിറമെന്ത് ?
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

 Click this button or press Ctrl+G to toggle between Malayalam and English