Home Authors Posts by സ്വാതി ലക്ഷ്മി

സ്വാതി ലക്ഷ്മി

Avatar
2 POSTS 0 COMMENTS

രണ്ട് കവിതകൾ

  അവന്മാരൊരു പന്ത്രണ്ടെണ്ണ - മുണ്ടാരുന്നു ... അത്ര തന്നെ കരയുമവിടുണ്ടാരുന്നു ... അതില് കറപ്പും വെളുപ്പും തൊപ്പീം കുറീം ഇല്ലാരുന്നു .. ഏറ്റോം കുഞ്ഞനാരുന്നു ചോപ്പും വെള്ളേം മടക്കി സഞ്ചീലിട്ട് നടന്നത്. അണീക്കേണ്ട മണിയെല്ലാം കഴുത്തേലിട്ട് അവനൊള്ള കയ്യാലയെല്ലാങ്കേറി നടക്കുവാന്ന് അവന്റമ്മ പറയും ... വടക്കൂന്ന് വന്ന നിനക്കെന്തറിയാടീന്ന് പറഞ്ഞ് അച്ഛമ്മ കുഞ്ഞനെ നോക്കി മോണ തെളിക്കും.. ഇനിയൊരുത്തനുണ്ട് , അവനാണ് കുഞ്ഞിത്തലകൾടെ നോക്ക് കാരൻ .. അതും കയ്യേലേന്തി ഒമ്പതിന്റന്ന് അവനൊരു വരവുണ്ട് ... കൊമ്പു കൊലുക്കുന്ന - തവനാന്ന് തോന്നും... എന്ന് വെച്ചാ ഞങ്ങടിവിടൊക്കെ കാളേക്കെട്ട് പത്ത് ദിവസവാ ... പക്ഷേങ്കിൽ പിള്ളേർക്കൊരഞ്ച് മതി ... ബാക്കി അഞ്ച് രാവും പകലുമവര് ചോപ്പും വെള്ളേം കലർന്നൊരു സ്വപ്നം കാണും ... വല്യോരൊന്നും കാണാത്തൊന്ന് ... എട്ടിന്റന്ന് തേക്കിലയിൽ വെള്ളം ചേർത്ത മൺചോറ് വിളമ്പി ഒരു കറീം ഒഴിക്കും ... അതിന്റെ പേരും അസ്ത്രം ന്നാ ... വല്യോർക്കൊന്നും അറിയാത്തൊന്ന്... പത്തിന്റന്ന് പാട്ടും മേളോമായി മണി കിലുക്കി തോളിലേന്തി അവര് കേറിയിറങ്ങും ... നേർച്ചാന്ന് പറഞ്ഞാലല്ലറ ചില്ലറ കിട്ടും...

ഇരുണ്ട ശരീരമുള്ളവളെ….

    ഇരുണ്ട ശരീരമുള്ളവളെ ആര് പ്രണയിക്കുമെന്ന് അവർ പരിഹസിച്ചു കൊണ്ടിരുന്നു ... അതിനാൽ അവർക്ക് ഭയമുണ്ടായിരുന്നില്ല തീർക്കുന്ന ഏത് കുരുക്കിലും അവളുടെ കഴുത്തിണങ്ങുമെന്നവർ ഉറച്ചുവിശ്വസിച്ചു .. അവളെഴുതിയതൊക്കെയും പ്രണയലേഖനങ്ങളാണെന്ന് അവർ സംശയിച്ചില്ല .. എതിർക്കാൻ അവൾ വാക്കുകളെ തേടിയതുമില്ല ... ഇരുണ്ടയൊരുവളും സ്നേഹിക്കപ്പെട്ടുവെന്ന് പറഞ്ഞതുമില്ല .. അവളയാളുടെ ശില്പമായിരുന്നുവെന്നും അതിലയാൾ തൊടുമ്പോൾ ഋതുക്കൾ മാറാറുണ്ടെന്നും പറഞ്ഞില്ല ... ഹോസ്റ്റലിൽ പണിക്ക് നിൽക്കുന്ന തമിഴത്തി "മുക്കുത്തി റൊമ്പ അഴകാരിക്ക് " എന്ന് പറഞ്ഞതിനെ പറ്റി അവൾ പറയുമ്പോഴും അവർ പരിഹസിച്ചു കൊണ്ടിരുന്നു.. എങ്കിലും അയാളുടെ കണ്ണുകൾ തിളങ്ങുമെന്ന് അവൾക്കറിയാമായിരുന്നു ... പക്ഷേ എല്ലാ രാത്രിയിലും അവൾ ഭയപ്പാടോടെ അവർ തീർത്തേക്കാവുന്ന കുരുക്കിനെ ഓർത്തോണ്ടിരുന്നു എല്ലാ പുലർച്ചകളിലും ഉയർന്നുവന്ന‌ പുതുനാമ്പ് മണങ്ങളെ ചേർത്തുപിടിച്ചു.. ഉറക്കമുണർന്നപ്പോൾ കാലങ്ങളായി പാളംതെറ്റിപ്പോയ ഒരു ബോഗിക്കുള്ളിലായിരുന്നു അവൾ ... ഇറങ്ങേണ്ട സ്റ്റേഷനിലേക്ക് നടന്നുനീങ്ങുമ്പോൾ ഇരുണ്ട ഒരുവൾ ചുംബിക്കപ്പെടുന്നത് കണ്ടതിനെപ്പറ്റി അവൾ അവരോട് പറഞ്ഞതുമില്ല ..

തീർച്ചയായും വായിക്കുക