Home Authors Posts by പുഴ

പുഴ

1816 POSTS 0 COMMENTS

കേരള സ്‌റ്റേറ്റ് ലൈബ്രറി കൗണ്‍സിൽ; ആസ്ഥാനമന്ദിരം ഉദ്ഘാടനം ചെയ്തു

    കേരള സ്‌റ്റേറ്റ് ലൈബ്രറി കൗണ്‍സിലിന്റെ പുതുതായി പണികഴിപ്പിച്ച ആസ്ഥാനമന്ദിരം ഉദ്ഘാടനം ചെയ്തു. ഡിസംബര്‍ 31-ാം തീയതി വൈകിട്ട് മൂന്നു മണിക്ക് മുഖ്യമന്ത്രി പിണറായി വിജയന്നാണ് ഉദ്ഘാടനം നിര്‍വ്വഹിച്ചത്. ഉന്നത വിദ്യാഭ്യാസ വകുപ്പ് മന്ത്രി ഡോ.കെ.ടി.ജലീല്‍ അധ്യക്ഷനായി. പ്രതിപക്ഷ നേതാവ് രമേശ് ചെന്നിത്തല മുഖ്യാതിഥിയായി. റവന്യൂ- ഭവന നിര്‍മ്മാണ വകുപ്പ് മന്ത്രി ഇ.ചന്ദ്രശേഖരന്‍, വനം വകുപ്പ് മന്ത്രി അഡ്വ.കെ.രാജു എന്നിവരും സാംസ്‌കാരിക-സാമൂഹിക രംഗത്തെ നിരവധി നേതാക്കളും ചടങ്ങില്‍ പങ്കെടുത്തു. തിരുവനന്തപുരം പാളയത്താണ്...

പത്മപ്രഭ പുരസ്‌കാരം സന്തോഷ് ഏച്ചിക്കാനത്തിന്

ഈ വര്‍ഷത്തെ പത്മപ്രഭ പുരസ്‌കാരത്തിന് എഴുത്തുകാരന്‍ സന്തോഷ് ഏച്ചിക്കാനം അര്‍ഹനായി. 75,000 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്‌കാരം. മലയാളത്തിലെ ഉത്തരാധുനിക ചെറുകഥയുടെ രൂപഭാവങ്ങളെ സമഗ്രമായി ഉടച്ചുവാര്‍ത്ത എഴുത്തുകാരില്‍ പ്രധാനിയാണ് സന്തോഷ് ഏച്ചിക്കാനമെന്ന് പുരസ്‌കാര നിര്‍ണ്ണയസമിതി വിലയിരുത്തി. കല്പറ്റ നാരായണന്‍ അധ്യക്ഷനും ഇ.പി.രാജഗോപാലന്‍, സുഭാഷ് ചന്ദ്രന്‍ എന്നിവര്‍ അംഗങ്ങളായ സമിതിയാണ് പുരസ്‌കാര ജേതാവിനെ നിര്‍ണ്ണയിച്ചതെന്ന് സ്മാരക ട്രസ്റ്റ് ചെയര്‍മാന്‍ എം.പി.വീരേന്ദ്രകുമാര്‍ അറിയിച്ചു. ബിരിയാണി, കൊമാല, നരനായും പറവയായും, ശ്വാസം, ഒരു ചിത്രകഥയിലെ നായാട്ടുകാര്‍, മലബാര്‍...

ബി.വി.ഫൗണ്ടേഷൻ പുരസ്‌കാര സമർപ്പണം

    ബി.വി.ഫൗണ്ടേഷന്റെ ഈ വര്‍ഷത്തെ പുരസ്‌കാരം സാഹിത്യകാരന്‍ കെ.പി.രാമനുണ്ണിക്ക് സമ്മാനിച്ചു.  ജീവിതത്തിന്റെ പുസ്തകം എന്ന നോവലാണ് പുരസ്‌കാരത്തിന് അര്‍ഹമായത്. കോഴിക്കോട് അസ്മ ടവറില്‍ കഴിഞ്ഞ ദിവസം നടന്ന ചടങ്ങില്‍ വെച്ച് പ്രശസ്ത എഴുത്തുകാര സി.രാധാകൃഷ്ണന്‍ കെ.പി.രാമനുണ്ണിക്ക് പുരസ്‌കാരം സമ്മാനിച്ചു. രമേശ് ചെന്നിത്തല, ഡോ.എം.കെ.മുനീര്‍, പി.കെ.കുഞ്ഞാലിക്കുട്ടി തുടങ്ങിയവരും പുരസ്‌കാരചടങ്ങില്‍ പങ്കെടുത്തു. മുഹമ്മദ് നബിയുടെ ജീവിതം ആദ്യമായി ആവിഷ്‌ക്കരിക്കപ്പെടുന്ന നോവല്‍ എന്നീ നിലകളിലാണ് ദൈവത്തിന്റെ പുസ്തകത്തിന് ഈ സവിശേഷ ബഹുമതി ലഭിച്ചത്.

ആന ഡോക്ടർ- ജയമോഹൻ

    വായനയെ തീര്‍ഥാടനമാക്കുന്ന ഒരു കൃതി. കാട്ടാനകള്‍ തുമ്പിക്കെ ഉയര്‍ത്തി ആദരിക്കുന്ന, കണ്ണും കാതും വാലും ഉടല്‍ മുഴുവനും സ്‌നേഹമായി രൂപാന്തരപ്പെടാന്‍ ചെന്നായ്ക്കക്കളെപ്പോലും പ്രേരിപ്പിക്കുന്ന, ഒരു പുഴുവിനെ കൈയിലെടുത്ത് ആ ഓമന ഉടലിനോട് കുശലം പറയുന്ന, ഒരു മഹാമനസ്സിലേക്ക് അനുവാചകനെ ഉയര്‍ത്തുന്ന, മനുഷ്യത്വത്തെക്കാള്‍ വലിയ ചിലതുണ്ടെന്ന് വിചാരിപ്പിക്കുന്ന ഒരു കൃതി. വിസ്മയിക്കാനും പ്രചോദിതനാകാനും പിന്തുടരാനും സംവദിക്കാനും തിരുത്താനും അര്‍ഹമായ ഒരു നിത്യസാന്നിധ്യത്തെ എന്നേക്കുമായി മലയാളിക്ക് തരുന്ന ഒരു രചന. സകല ജീവജാലങ്ങളിലെയും പ്രാണനെ...

എം.ടി.വാസുദേവന്‍ നായര്‍ക്ക് കൃഷ്ണയ്യര്‍ പുരസ്‌കാരം

തിരുവനന്തപുരം ആസ്ഥാനമായി പ്രവര്‍ത്തിക്കുന്ന ദ ലോ ട്രസ്റ്റിന്റെ ജസ്റ്റിസ് വി.ആര്‍.കൃഷ്ണയ്യര്‍ പുരസ്‌കാരം മലയാളത്തിന്റെ പ്രിയ എഴുത്തുകാരന്‍ എം.ടി.വാസുദേവന്‍ നായര്‍ക്ക്. 50,000 രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്‌കാരം. ഡിസംബര്‍ 30-ാം തീയതി വൈകിട്ട് നാലു മണിക്ക് ചക്കോരത്തുകുളം റോട്ടറി ക്ലബ്ബ് ഓഡിറ്റോറിയത്തില്‍ നടക്കുന്ന ചടങ്ങില്‍ മിസോറാം ഗവര്‍ണ്ണര്‍ പി.എസ്.ശ്രീധരന്‍ പിള്ള പുരസ്‌കാരം സമ്മാനിക്കും.

പ്രദീപ് രാമനാട്ടുകരക്ക് അശ്റഫ് ആഡൂര് പുരസ്കാരം

എടക്കാട് സാഹിത്യവേദി ഏർപ്പെടുത്തിയ അശ്റഫ് ആഡൂര് സാഹിത്യ പുരസ്കാരത്തിന് കവി പ്രദീപ് രാമനാട്ടുകര അർഹനായി. അദ്ദേഹത്തിന്റെ "K രാമായണം" എന്ന കവിതാ സമാഹാരത്തിനാണ് പുരസ്ക്കാരം. പതിനായിരം രൂപയും ശില്പവും പ്രശസ്തിപത്രവും അടങ്ങിയതാണ് അവാർഡ്. ഡോ: സോമൻ കടലൂർ, പി. എൻ ഗോപീകൃഷ്ണൻ, ടി.കെ.ഡി മുഴപ്പിലങ്ങാട് എന്നിവരടങ്ങുന്ന ജഡ്ജിങ്ങ് കമ്മിറ്റിയാണ് അവാർഡിന് അർഹമായ കൃതി തെരഞ്ഞെടുത്തത്. ഉറുമ്പുകളുടെ വർത്തമാനം, ഓർമ്മ കൊണ്ട് തുറക്കുന്ന വീട്, തീപ്പെട്ടിക്കവിതകൾ എന്നിവയാണ് പ്രദീപ് രാമനാട്ടുകരയുടെ മറ്റു കൃതികൾ....

സാഹിദ് സ്മാരക സാഹിത്യ തീരം പുരസ്ക്കാരം സുദീപ് .ടി ജോർജിന്

  ശ്രീകണ്ഠാപുരം മുത്തപ്പൻ ക്ഷേത്ര പരിസരത്തെ പുഴയോരത്ത് നടത്തുന്ന പ്രതിമാസ പുസ്തക ചർച്ചയായ സാഹിത്യ തീരത്തിന്റെ രണ്ടാം വാർഷികത്തോടനുബന്ധിച്ച് ചെങ്ങളായിലെ യുവ കഥാകൃത്തായിരുന്ന സാഹിദിന്റെ ഓർമ്മക്കായി ചെങ്ങളായി ഗ്രാമോദ്ധാരണ വായനശാല & ഗ്രന്ഥാലയം ഏർപ്പെടുത്തിയ രണ്ടാമത് സാഹിദ് സ്മാരക സാഹിത്യതിരംപുരസ്ക്കാരം യുവ കഥാകൃത്ത് സുദീപ് ടി ജോർജിന്റെ ടൈഗർ ഓപ്പറ എന്ന കഥാസമാഹാരത്തിന്. 2015 മുതൽ 19 വരെ മലയാളത്തിൽ ഇറങ്ങിയ ഒരെഴുത്ത് കാരന്റെ ആദ്യ കഥാസമാഹാരത്തിന് നൽകുന്നതാണ് 10001 രൂപയും...

സമ്പര്‍ക്കക്രാന്തി നോവൽ പ്രകാശനം

  വി.ഷിനിലാല്‍ എഴുതിയ സമ്പര്‍ക്കക്രാന്തിയെന്ന പുതിയ നോവലിന്റെ പ്രകാശനം സംഘടിപ്പിച്ചു. ശനിയാഴ്ച വൈകിട്ട് 5 മണിക്ക് നെടുമങ്ങാട് കോയിക്കല്‍ പുസ്തകോത്സവത്തില്‍ വെച്ച് പ്രശസ്ത തമിഴ് സാഹിത്യകാരന്‍ പെരുമാള്‍ മുരുകനാണ് നോവല്‍ പ്രകാശനം ചെയ്തത്. സമകാലിക ഇന്ത്യന്‍ അവസ്ഥകളിലൂടെ സഞ്ചരിക്കുന്ന വി.ഷിനിലാലിന്റെ സമ്പര്‍ക്കക്രാന്തി, തീവണ്ടിയുടെ പശ്ചാത്തലത്തില്‍ എഴുതപ്പെട്ട മലയാളത്തിലെ ആദ്യ നോവല്‍ എന്ന വിശേഷണത്തോടെയാണ് പുറത്തിറങ്ങിയത്.

കേരള സാഹിത്യ അക്കാദമി അവാർഡുകൾ: ഉഷ്ണരാശി മികച്ച നോവൽ, വിഎം ഗിരിജയുടെ ബുദ്ധപൂർണിമ മികച്ച കവിത

കേരള സാഹിത്യ അക്കാദമി അവാർഡുകൾ തൃശ്ശൂരിൽ പ്രഖ്യാപിച്ചു. കെവി മോഹൻ കുമാറിന്റെ 'ഉഷ്ണരാശി - കരപ്പുറത്തിന്റെ ഇതിഹാസം' മികച്ച നോവലായി തിരഞ്ഞെടുത്തു. സ്കറിയ സക്കറിയ, നളിനി ബേക്കൽ, ഒഎം അനുജൻ, എസ് രാജശേഖരൻ, മണമ്പൂർ രാജൻ ബാബു എന്നിവർ സമഗ്രസംഭാവനയ്ക്കുള്ള പുരസ്കാരത്തിന് അർഹരായി. മലയാള സാഹിത്യത്തിന് ഗണ്യമായ സംഭാവനകൾ അർപ്പിച്ച അറുപത് വയസ് പിന്നിട്ട എഴുത്തുകാരെയാണ് സമഗ്രസംഭാവന പുരസ്കാരത്തിന് പരിഗണിക്കുന്നത്. 30,000 രൂപയും സാക്ഷ്യപത്രവും പൊന്നാടയും ഫലകവുമാണ് പുരസ്കാരം. വിഎം ഗിരിജയുടെ...

ഡി.എസ്.സി സാഹിത്യ പുരസ്‌കാരം ഇന്ത്യന്‍- ഇംഗ്ലീഷ് എഴുത്തുകാരന്‍ അമിതാഭ ബാഗ്ചിക്ക്

ദക്ഷിണേന്ത്യന്‍ രാജ്യങ്ങളിലെ മികച്ച സാഹിത്യരചനകള്‍ക്ക് നല്‍കുന്ന 2019-ലെ ഡി.എസ്.സി സാഹിത്യ പുരസ്‌കാരം ഇന്ത്യന്‍- ഇംഗ്ലീഷ് എഴുത്തുകാരന്‍ അമിതാഭ ബാഗ്ചിക്ക്. 2018-ല്‍ പുറത്തിറങ്ങിയ ഹാഫ് ദ നൈറ്റ് ഈസ് ഗോണ്‍ എന്ന നോവലാണ് പുരസ്‌കാരത്തിന് അര്‍ഹമായത്. 25,000 യു.എസ് ഡോളറാണ്(ഏകദേശം 17.7 ലക്ഷം രൂപ) പുരസ്‌കാരത്തുക. നേപ്പാള്‍ സാഹിത്യോത്സവത്തില്‍ വെച്ചായിരുന്നു പുരസ്‌കാരപ്രഖ്യാപനം. സാഹിത്യോത്സവത്തിന്റെ സമാപന ചടങ്ങില്‍വെച്ച് നേപ്പാള്‍ വിദേശകാര്യമന്ത്രി പ്രദീപ് ഗ്യാവാലി പുരസ്‌കാരം ബാഗ്ചിക്ക് സമ്മാനിച്ചു.

തീർച്ചയായും വായിക്കുക