Home Authors Posts by നൈന മണ്ണഞ്ചേരി

നൈന മണ്ണഞ്ചേരി

നൈന മണ്ണഞ്ചേരി
76 POSTS 0 COMMENTS
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

രക്തസാക്ഷി

മകനേ നിൻ ശ്രാദ്ധമുണ്ണാൻ വന്ന കാക്കകൾ കരയുന്നു.. മൃത്യുബോധത്തിൻ നടുക്കത്തിലച്ഛന്റെ നെഞ്ചിൽ നെരിപ്പോട് കത്തിയെരിയുമ്പൊഴും നൊമ്പരം മീട്ടുന്ന തന്ത്രികളിലമ്മയുടെ ജീവതാളങ്ങൾ തകർന്നു വീഴുമ്പൊഴും പെയ്യാ വിഷാദമേഘങ്ങളായ് പെങ്ങളുടെ ചൈതന്യ ധാരകൾ വറ്റി വരളുമ്പൊഴും കനവുകൾ ഞെട്ടറ്റ തമസ്സിന്റെ വഴികളിൽ ഗതി തേടിയാത്മാവ് നില വിളിക്കുമ്പോഴും കണ്ണീരുണങ്ങാത്ത ജീവന്റെ മുറിവുകൾ മൗനനിശ്വാസമായ് മണ്ണിലുറയുമ്പൊഴും കരളിലൊരു നൊമ്പരക്കിളിയുടെ തേങ്ങലായ് കരുണക്കവാടങ്ങളിവിടെയടയുമ്പൊഴും മകനെ നിൻ ശ്രാദ്ധമുണ്ണാൻ വന്ന കാക്കകൾ കരയുന്നു.. ചിറകറ്റ വെള്ളരി പ്രാവിന്റെ തേങ്ങലിൽ തീരാത്ത ഗദ്ഗദം ബാക്കിയാവുമ്പൊഴും ചുടുനിണപ്പാടുകൾ മായാത്ത വാളുകൾ വീണ്ടും ബലിക്കല്ലിൽ മൂർച്ച കൂട്ടുമ്പൊഴും അവസാന യാത്രയും ചൊല്ലാൻ മന:സാക്ഷി കനിവു കാണിക്കാതെ വഴിയടക്കുമ്പൊഴും ഓർമ്മകൾ വാർഷികം...

ആത്മഹത്യയ്ക്കും കൊലയ്ക്കുമിടയിലൂടാർത്ത നാദം പോലെ പായുന്ന ജീവിതം..

കഴിഞ്ഞമാസം ഒരു മധ്യാഹ്നത്തിൽ ശാസ്താംകോട്ടയിലെ റെയിൽവെ ട്രാക്കിൽ ചിതറിത്തെറിച്ചു പോയ ചെറുപ്പക്കാരിയായ ഒരു മാതാവിന്റെ ഓർമ്മ വിങ്ങുന്ന നൊമ്പരമായി ഇപ്പോഴും മനസ്സിലുണ്ട്.പത്താം ക്ളാസ്സിൽ നിന്ന് ജയിച്ച മകന് അവൻ ആഗ്രഹിച്ച മൊബൈൽ ഫോൺ വാങ്ങിക്കൊടുക്കാത്തതിന്റെ തർക്കങ്ങൾക്കും വഴക്കുകൾക്കുമൊടുവിൽ സംഭവിച്ച ദുരന്തമായിരുന്നു അത്.തന്റെ കഴിവനുസരിച്ചുള്ള ഫോൺ വാങ്ങിത്തരാമെന്ന് പറഞ്ഞെങ്കിലും അവന് ഉദ്ദേശിച്ച മുപ്പത്തി അയ്യായിരം രൂപയുടെ ഫോൺ തന്നെ വേണമായിരുന്നു. ഒടുവിൽ അമ്മയെ കാണാൻ പോലും നാട്ടുകാർ അവനെ അനുവദിച്ചില്ല...

ഇന്റെർസിറ്റിയിലെ നോമ്പ്,ഗൾഫിലെയും..

അഞ്ചോ ആറോ വയസ്സുള്ളപ്പോൾ തുടങ്ങുന്നതാണല്ലോ പലരുടെയും നോമ്പ് അനുഭവങ്ങൾ.അക്കാലത്തൊക്കെ ഒരു നോമ്പ് പിടിച്ച് പൂർത്തീകരിക്കുന്നതായിരുന്നു എവറസ്റ്റാരോഹണത്തെക്കാൾ പ്രയാസകരമായ കാര്യം. അരദിവസത്തെ നോമ്പും പിന്നെ അര ദിവസത്തെ നോമ്പും ചേർത്ത്ത് ഒന്നാക്കി കൂട്ടുന്ന ആ നോമ്പ് പരിശിലന കാലം മറക്കാവുന്നതല്ല. പ്രായം കൂടുന്തോറും നോമ്പ് ആത്മീയമായ അനുഭൂതിയായി മാറി. ഒരുമാസം കഴിയുമ്പോൾ നോമ്പ് തീർന്നു പോയല്ലോ എന്നതായി പിന്നത്തെ സങ്കടം. ഇങ്ങനെ പ്രായവ്യത്യാസമനുസരിച്ചും കാലവ്യത്യാസമനുസരിച്ചും ഓരോർത്തർക്കും നോമ്പനുഭവങ്ങൾ വ്യത്യാസപ്പെട്ടിരിക്കുന്നു. നാട്ടിൽ നിന്നും...

പെങ്ങൾ

കേൾക്കുന്നു പെങ്ങളേ,നിന്റെ തേങ്ങൽ കേൾക്കാതിരിക്കുന്നു ഞങ്ങൾ കാണുന്നു പടരുന്ന നിന്റെ രക്തം കാണാതിരിക്കുന്നു ഞങ്ങൾ. അറിയുന്നു നിന്റെ ഹൃദന്തദു:ഖം അറിയാതിരിക്കുന്നു ഞങ്ങൾ.. മാനം തകർക്കുന്ന ബൂട്ടുകൾ മാധുര്യസ്വപ്നം പൊലിക്കുന്ന തോക്കുകൾ.. ഭ്രാന്തമാം മതവൈരയട്ടഹാസങ്ങളിൽ നേർത്തുനേർത്തലിയുന്ന തേങ്ങൽ കേൾക്കുന്നു പെങ്ങളേ ഞങ്ങൾ കേൾക്കാതിരിക്കുന്നു ഞങ്ങൾ രക്താഭമാകുന്ന ശുഭ്രസ്വപ്നങ്ങളും നെറ്റിയിൽ മായുന്ന കുങ്കുമപ്പൊട്ടും ചിതറിത്തെറിക്കുന്ന നിൻ മോഹമുത്തും താഴെ വീണടിയുന്ന നിൻ വളപ്പൊട്ടും കാണുന്നു പെങ്ങളേ ഞങ്ങൾ കാണാതിരിക്കുന്നു ഞങ്ങൾ.. ശോകം നിഴൽ വിരിച്ചെന്നുമീ കവിളുകൾ പുഞ്ചിരിക്കാനും മറന്നു നിൻ ചുണ്ടുകൾ വിഭജനത്തിന്റെ തീരങ്ങളിൽ ആർത്തല.. ച്ചൊരു നെരിപ്പോടു പോലണയാതെ നിൻമനം അറിയുന്നു പെങ്ങളേ,ഞങ്ങൾ അറിയാതിരിക്കുന്നു ഞങ്ങൾ കേൾക്കുന്നു പെങ്ങളേ,നിന്റെ തേങ്ങൽ കേൾക്കാതിരിക്കുന്നു ഞങ്ങൾ കാണുന്നു പടരുന്ന നിന്റെ...

നരജന്മം..

മെഡിക്കൽ സ്റ്റോർ അടയ്ക്കാൻ തുടങ്ങുമ്പോഴാണ് തല വേദനയുടെ ഗുളിക വാങ്ങാൻ അയാൾ അങ്ങോട്ട് ചെന്നത്.മദ്ധ്യവയസ്ക്കനായ ഉടമ അയാളെ നോക്കി ചിരിച്ചു. ഒരു യുവതിയും ഭർത്താവും അയാളോട് സംസാരിച്ചു കൊണ്ടിരിക്കുകയായിരുന്നു. അത് കഴിയാൻ അയാൾ കാത്തു നിന്നു .’’അവൻ വളരെ അവശനിലയിലാണ്. അത്യാവശ്യമായി എന്തെങ്കിലും മരുന്ന് തരണം.’’ അവളുടെ സ്വരത്തിൽ അകാംക്ഷ നിറഞ്ഞു നിന്നു. ‘’ഇത്രയും രാത്രിയായി. അല്ലെങ്കിൽ ഏതെങ്കിലും ആശുപത്രിയിൽ കൊണ്ടു പോകാമായിരുന്നു.’’ ഭർത്താവിന്റെ നിരാശ കണ്ടാകാം മെഡിക്കൽ സ്റ്റോറുകാരൻ പറഞ്ഞു. ’സാരമില്ല ലൂസ്...

റോബോട്ട് ഹസ് ബന്റ്

രാവിലെ പ്രിയതമ പത്രവുമായി ഇരിക്കുന്നതു കണ്ടപ്പൊഴേ മനസ്സിലായി പത്രത്തിൽ എന്തോ കാര്യമായ പരസ്യമുണ്ടെന്ന്.അല്ലെങ്കിൽ ഇത്ര രാവിലെ പത്രം എടുക്കാറില്ല.അതുകൊണ്ടു തന്നെ അതു കാണുമ്പോൾ വഴ്ഹി മാറി നടക്കുകയാണ് പതിവ്. കാരണം ആര് വിരുന്നു വന്നാലും കോഴിക്കാണല്ലോ കിടക്കാൻ വയ്യാത്തത്.അതു പോലെയാണ് പാവം ഹസ്ബെന്റുമാരുടെ കാര്യവും.അടുത്ത ജന്മത്തിലെങ്കിലും വല്ല വൈഫുമായിട്ട് ജനിച്ചാൽ മതിയായിരുന്നു. പുതിയ റേഷൻ കാർഡ് നിലവിൽ വന്നതോടെ പുരുഷൻമാർക്ക് ആകെയുണ്ടായിരുന്ന ഗൃഹനാഥൻ പദവി കൂടി നഷ്ടപ്പെട്ടു. അതിന്റെ...

ഒന്നാം നമ്പര്‍ ഓണ്‍ ദി സ്റ്റേജ്..

സാധാരണ യുവജനോല്‍സവ സീസണാകുമ്പോള്‍ മുങ്ങി നടക്കുകയാണ് പതിവ്. കലാവിരോധിയായതു കൊണ്ടല്ല സ്വന്തം ശരീരത്തോട് അല്‍പം സ്നേഹമുള്ളതു കൊണ്ട് മാത്രം. അല്ലെങ്കില്‍ ആരെങ്കിലും വന്ന് വിധികര്‍ത്താവായി വിളിക്കും. വിളിച്ചാല്‍ കടപ്പാടുകൊണ്ടാണെങ്കിലും പോകാതെ പറ്റില്ല. പോയാല്‍ പിന്നെ കഥ തീര്‍ന്നു. പോയപോലെ തന്നെ തിരിച്ചു വന്നാല്‍ ഭാഗ്യം. ഏതായാലും അത്ര വലിയ മുങ്ങല്‍ വിദഗ്ദനൊന്നുമല്ല എന്ന് തെളിയിച്ചു കൊണ്ട് തിരക്കി നടന്ന ഒരു സുഹൃത്തിന്റെ മുന്നില്‍ തന്നെ പോയി വീണു. പലതും...

വാർഷികമഹാമഹം..

മോന്റെ വെൽക്കം സ്പീച്ച് ഉള്ളതു കൊണ്ട് മാത്രമല്ല പ്രമുഖ സാഹിത്യ നായകൻ വരുന്നു എന്നറിഞ്ഞതു കൊണ്ടു കൂടിയാണ് സ്ക്കൂൾ വാർഷികത്തിന് പൊയ്ക്കളയാമെന്ന് വിചാരിച്ചത്.വെൽക്കം സ്പീച്ച് എന്നതിന് പകരം സ്വാഗത പ്രസംഗം എന്നു പോരെ എന്നു മോനോട് ചോദിച്ചപ്പോൾ ‘’അങ്ങനെ പറയാൻ പാടില്ല,കഴിയുന്നതും മലയാളം യൂസ് ചെയ്യാതിരിക്കാൻ പ്രത്യേകം ശ്രദ്ധിക്കണം എന്നാണ് ടീച്ചർ പറഞ്ഞിരിക്കുന്നതെന്ന് മോന്റെ മറുപടി.അറിയാതെങ്ങാനും മലയാളം പറഞ്ഞു പോയാൽ ഫൈൻ ഈടാക്കാൻ ക്ളാസ് ലീഡർമാരെ ചുമതലപ്പെടുത്തുകയും ചെയ്തിട്ടുണ്ടത്രേ!...

വിജയകരമായ ഒന്നാം വാരം..

താമസം മാറിയപ്പോൾ വിചാരിച്ചത് പരിചയക്കാർ അധികമില്ലാത്ത സ്ഥലമായതിനാൽ പലതിനുമെന്ന പോലെ കല്യണ ക്ഷണങ്ങളിലും കുറവുണ്ടാകുമെന്നാണ്.എന്നാൽ ഇതു വരെ അതിനു മാത്രം ഒരു കുറവും വന്നിട്ടില്ല.വഴിയെ പോകുമ്പോൾ വെറുതെ ഒരു വിളി എന്ന മട്ടിലും വരാറുണ്ട് ചില വിളികൾ.പിന്നെ ആളെ കണ്ടു പിടിച്ച് പരിചയപ്പെടൽ നമ്മുടെ ജോലിയാണ്.ചിലയിടങ്ങളിൽ കാർഡ് ആരുടെയെങ്കിലും കയ്യിൽ കൊടുത്തു വിട്ടാൽ അതും ക്ഷണമായി കണക്കാക്കുമെങ്കിൽ പലയിടങ്ങളിലും നേരിട്ട് തന്നെ പോയി ക്ഷണിച്ചേ പറ്റൂ. കഴിഞ്ഞ ദിവസം ഒരു...

കാത്തിരിപ്പ്

ഭാര്യയുടെ രണ്ടാമത്തെ പ്രസവമാണ്.എങ്കിലും പിരിമുറുക്കത്തിന് ഒരു കുറവുമില്ല.സ്നേഹധനനായ ഏതൊരു ഭർത്താവിനെയും പോലെ അയാളുടെ മനസ്സും സംഘർഷ നിർഭരമായിരുന്നു. ഒന്നാലോചിച്ചാൽ പ്രസവിക്കുന്ന ഭാര്യയെക്കാൾ വേദന അനുഭവിക്കുന്നത് പാവം ഭർത്താവല്ലേ?പ്രസവം കഴിഞ്ഞ് അമ്മയും കുഞ്ഞും സുഖമായിരിക്കുന്നു എന്നറിയുന്നത് വരെ, പല വകുപ്പിൽ പലർക്കായി കൈക്കൂലി കൊടുത്തു തിർക്കും വരെ,ഒടുവിൽ ബീല്ലടച്ച് വീട്ടിൽ പോകുന്നതു വരെ..അങ്ങനെ നീളുന്ന ടെൻഷൻ. ഓട്ടത്തിന്റെ ടെൻഷനിടെ ആദ്യ പ്രസവത്തിന്റെ ദിവസം രാത്രിയിൽ ഒന്നു കണ്ണടച്ചു പോയതിന്റെ പരിഭവം ഇപ്പോഴും...

തീർച്ചയായും വായിക്കുക