Home Authors Posts by കെ.കെ.പല്ലശ്ശന

കെ.കെ.പല്ലശ്ശന

49 POSTS 0 COMMENTS
ആലുംപാറ, പല്ലശ്ശന പി.ഒ, പാലക്കാട്‌. Address: Phone: 9495250841 Post Code: 678 505

ചില അണ്‍ എക്കണോമിക് പ്രതിസന്ധികള്‍

പതിനൊന്നിനു മുപ്പതു മിനിറ്റുള്ളപ്പോള്‍ പഴം പൊരിയും സ്പെഷ്യല്‍ ചായയുമായി സ്റ്റാഫ് റൂമിനു മുന്നില്‍ മുപ്പത്തിരണ്ടു പല്ലും പ്രദര്‍ശിപ്പിച്ചു വന്നു നില്‍ക്കാറുള്ള തമിള്‍മണി ഇന്ന് ആ പതിവു തെറ്റിച്ചിരിക്കുകയാണ്.  പതിനൊന്നേമുക്കാലായിട്ടും പയ്യന്റെ പൊടി പോലുമില്ല. തൊടുത്തു വിട്ട ശരം കണക്കെ തൊണ്ട നനക്കാനായി സ്റ്റാഫ് റൂമിലെത്തിയ ദണ്ഡപാണി മാഷ് ചുണ്ടത്തു തിരുകിയ പത്താം  നമ്പര്‍ ആഞ്ഞു വലിച്ച് അരിശം തീര്‍ക്കുകയാണ്. അപ്പു മാഷ് പെരു വിരലിലെ നഖം ഒട്ടു മുക്കാലും...

ഇടയന്‍

അധ്യാപകര്‍ക്കുള്ള സപ്തദിന ശില്പ്പശാലയുടെ സമാപനമായിരുന്നു അന്ന്. മുപ്പത്തഞ്ചോളം അധ്യാപകര്‍ക്ക് കഴിഞ്ഞ ആറു ദിവസങ്ങളിലായി പ്രശസ്തരായ പലരും ക്ലാസുകള്‍ എടുക്കുകയുണ്ടായി. സമാപന ദിനത്തില്‍ ആരും പ്രതീക്ഷിക്കാത്ത ഒരാളാണ് എത്തുന്നതെന്ന സൂചന മുന്‍കൂട്ടി നല്‍കിയതുകൊണ്ടാകാം എല്ലാവരും ആകാംക്ഷയോടെ കാത്തിരിക്കുകയായിരുന്നു. ഉച്ച ഭക്ഷണത്തിനു ശേഷം ശില്പ്പശാലയുടെ ചുമത വഹിക്കുന്ന ഓഫീസര്‍ ക്യാമ്പംഗങ്ങല്‍ക്കു മുന്നില്‍ എത്തി. '' നിങ്ങള്‍ കാത്തിരിക്കുന്നം വിശിഷ്ടവ്യക്തി എത്തിയിട്ടുണ്ട്.'' ഇത്രയും പറഞ്ഞ് അദ്ദേഹം പുറത്തു ചെന്ന് ഒരു കുട്ടിയുമായി തിരിച്ചെത്തി. '' ഇതാണ് ഞാന്‍ പറഞ്ഞ...

ഓപ്പറേഷന് ഗ്രാന്മാ

ഹര്‍ഷവര്‍ദ്ധന്‍ നഗറിലെ ഇരുപത്തിനാലു കുടുംബക്കാരുടെ പ്രതിമാസ കൂട്ടായ്മയിലാണ് അങ്ങനെയൊരു അഭിപ്രായം ഉയര്‍ന്നു വന്നത്. എപ്പോഴും വ്യത്യസ്തമായ അഭിപ്രായങ്ങള്‍ മുന്നോട്ടു വയ്ക്കുന്ന ആര്‍ട്ടിസ്റ്റ് ഗോകുല്‍ രാജ് പോലും അതുകേട്ട് അല്പ്പനേരത്തേക്ക് അന്ധാളിച്ചു പോയെന്നു പറഞ്ഞാല്‍ മതിയല്ലോ. '' ശ്രീധരന്‍ പറഞ്ഞു വരുന്നത്?'' മൗനത്തിനു വിരാമമിട്ടുകൊണ്ട് യോഗാദ്ധ്യക്ഷന്‍ ചോദിച്ചു. എല്ലാവരുടേയും മുഖഭാവങ്ങള്‍ നിരീക്ഷിച്ചുകൊണ്ടിരുന്ന ശ്രീധരന്‍ തുടര്‍ന്നു . ''ഞാന്‍ പറഞ്ഞു കൊണ്ടുവരുന്നത് നമ്മുടെ കുട്ടികളെ രക്ഷപ്പെടുത്താനുള്ള ഒരു പദ്ധതിയെക്കുറിച്ചാണ്. കമ്പ്യൂട്ടറിനു മുന്നില്‍ നിന്നും അവരെ തിരിച്ചു പിടിക്കാനും...

വെളിപാടുകള്

കൂട്ടുപാത പിന്നിട്ട് രാമന്‍ മാഷും കൂട്ടരും വാസുക്കുട്ടന്റെ വീട്ടിലേക്കുള്ള ഇടവഴിയിലേക്കു തിരിയിമ്പോഴാണ് ആ വാര്‍ത്ത അവരെ തേടിയെത്തിയത്. വാസുക്കുട്ടനു വെളിപാടുണ്ടായിരിക്കുന്നു ! അല്പ്പം മുമ്പ് ആശ്രമത്തിലെത്തിയ വാസുക്കുട്ടന്‍  അമ്മാവന്റെ സമാധിയില്‍ വിളക്കു തെളിയിച്ച് ഉറഞ്ഞു തുള്ളി പോലും! അപ്പോഴതാ , മറ്റൊരു വാര്‍ത്തയുമായി ചക്ക വേലായുധനും കൂട്ടരും ഓടി വരുന്നു വാസുക്കുട്ടനു പിന്നാലെ സ്വാമികളുടെ ചെറിയമ്മാവന്‍ വേലാണ്ടിയും ചാടിത്തുടങ്ങിയത്രെ ! രണ്ടു പേരും മത്സരിച്ച് പ്രവചനവും വിഭൂതി വിതരണവും നടത്തുകയാണ്. ദൗത്യ സംഘം യാത്ര...

അവകാശികള്‍

അപ്പുമണിസ്വാമികള്‍ ഓര്‍മ്മയായതോടുകൂടി പുറം ദേശക്കാരുടെ ഒഴുക്കു നിലച്ചു. വേനലിലെ ഗായത്രിപുഴയുടെ അവസ്ഥയായി ആശ്രമത്തിനും. പുഴയിലെ അവശേഷിക്കുന്ന കുഴി വെള്ളത്തിനു കൂട്ടിരിക്കുന്ന ചാരക്കൊറ്റികളേപോലെ ചുരുക്കം ചിലര്‍ മാത്രം ആശ്രമത്തില്‍ അവശേഷിച്ചു. ആറുവിരല്‍ നാരായണനും പാപ്പാന്‍ പാലുണ്ണിയും ചക്ക വേലായുധനും ഉള്‍പ്പെടുന്ന ശിഷ്യഗണം ചിറകു നഷ്ടപ്പെട്ട പറവകളേപ്പോലെയായി. ഇനിയെന്ത് എന്ന ചോദ്യത്തിന് ഉത്തരം തേടിയവര്‍ രാമന്‍ മാഷുടെ സ്വാമികൃപയില്‍ യോഗം ചേര്‍ന്നു. '' ആശ്രമം അനാഥമാകരുത് അപ്പുമണി സ്വാമികള്‍ക്ക് അവകാശികള്‍ ഉണ്ടാവണം '' രാമന്‍ മാഷ്...

ഒരു വിലാപം

      അപ്പുമണി സ്വാമികളുടെ അവതാരത്തോടെയാണ് ഭഗവതിക്ഷേത്രത്തില്‍ അനക്കമുണ്ടായിത്തുടങ്ങിയത്. സ്വാമികളെ ദര്‍ശിക്കാനെത്തുന്നവരില്‍ കുറച്ചുപേരെങ്കിലും മാര്‍ഗമദ്ധ്യേയുള്ള ക്ഷേത്രത്തിലും ഒന്നെത്തിനോക്കുമായിരുന്നു. ആശ്രമത്തിലേക്കുള്ള യാത്രയില്‍ ഒരു വിശ്രമത്താവളമായി ക്ഷേത്രത്തെ കണ്ടിരുന്നവരും വിരളമായിരുന്നില്ല. ക്ഷേത്രാങ്കണത്തിലെ അരയാലിന്‍ ചുവട്ടില്‍ ഒന്നിരുന്നിട്ടുപോകുന്നത് പലരും പതിവാക്കിയിരുന്നു. ഭഗവതിക്കു നല്ലകാലം വന്നുവെന്നാണ് ഒരിക്കല്‍ പൂജാരിതന്നെ അഭിപ്രായപ്പെട്ടത്. ഗ്രാമത്തിലെ അരപ്പട്ടിണിക്കാരായ കര്‍ഷകത്തൊഴിലാളികള്‍ക്ക് പരാതിയും പരിഭവങ്ങളും മാത്രമേ ഭഗവതിയുടെ മുന്നില്‍ സമര്‍പ്പിക്കാനുണ്ടായിരുന്നുള്ളു. പ്രമാണിമാരാവട്ടെ ഭഗവതിയെ തിരിഞ്ഞുനോക്കിയതുമില്ല. പുറംദേശക്കാര്‍ വന്നുതുടങ്ങിയതോടയാണ് ക്ഷേത്രത്തിലെ ഭണ്ഡാരത്തിന് അര്‍ത്ഥമുണ്ടായിത്തുടങ്ങിയത്. സേലത്തില്‍ നിന്നെത്തിയ ഒരു തമിഴന്‍ നൂറ്റൊന്നു...

തിരിച്ചടികള്‍

      അപ്പുമണി സ്വാമികളുടെ   മരണത്തില്‍ ഉറക്കം നഷ്ടപ്പെട്ടവരില്‍ രാമന്‍മാഷും ഉള്‍പ്പെടുന്നു. ആശ്രമിക്കുന്നന്നടുത്ത് ല‍ക്ഷങ്ങള്‍ മുടക്കി ലോഡ്ജ് പണിതതും മൂന്നാല് ഓട്ടോറിക്ഷകള്‍ വാങ്ങിയിട്ടതുമൊക്കെ വെറുതെയായിരിക്കുന്നു. സ്വാമികളില്ലാത്ത ഈ കുഗ്രാമത്തില്‍ ഇനി ഒരു ലോഡ്ജിന്റെ ആവശ്യമെന്താണ്? "ഓടുന്നസ്വാമിക്ക് ഒരു മുഴം മുമ്പേ' എന്നാണ് സഹപ്രവര്‍ത്തകര്‍ രാമന്‍ മാഷുടെയും ലോഡ്ജിന്റെയും വിശേഷിപ്പിച്ചത്. ഇരുപത്തിനാലു മുറികളുള്ള 'സ്വാമികൃപ' ലോഡ്ജ് രാമന്‍ മാഷിനെ ഒരിക്കലും നിരാശപ്പെടുത്തിയിട്ടില്ല. മാഷിന്റെ മാസശമ്പളത്തേക്കാള്‍ കൂടുതലായിരുന്നു ലോഡ്ജില്‍ നിന്നുള്ള വരുമാനം. മൂന്നാമൊതൊരു നിലകൂടി പണിയാനുള്ള...

ലോകവസാനം

      അപ്പുമണിസ്വാമികള്‍ മരിച്ചു. അന്ന് പ്രഭാഷണവും പ്രവചനവും കഴിഞ്ഞ് വിശ്രമിക്കാന്‍ ചെന്ന സ്വാമികള്‍ പിന്നെ പുറത്തുവന്നില്ല. അദ്ദേഹം അവസാനമായി പ്രവചിച്ചത് ബാര്‍ബര്‍ കുഞ്ചാറുവിന്റെ ഭാവിയെക്കുറിച്ചായിരുന്നു. അഞ്ചുകോടിയുടെ ഓണം ബംബറടിച്ച കുഞ്ചാറു, സ്വാമികള്‍ ക്ഷണികാതെ തന്നെ അദ്ദേഹത്തിന്റെ മുന്നില്‍ചെന്നിരിക്കുകയാണുണ്ടായത്. "നിന്റെ ഭാഗ്യത്തെ നീ എങ്ങനെ കാണുന്നു.?" കുഞ്ചാറുവിനെ ആഴത്തില്‍ ഒന്നു നോക്കിയശേഷം സ്വാമികള്‍ ചോദിച്ചു. "എനിക്കൊന്നും കാണാന്‍ പറ്റുന്നില്ല സ്വാമീ. അവിടുന്ന് ഈയുള്ളവന്റെ കാഴചയാവണം." കൂപ്പുകൈകളോടെ കുഞ്ചാറു അറിയിച്ചു. "ഇന്നേയ്ക്ക് ഇരുപത്തിയൊന്നാം നാള്‍ ലോകവസാനമാണെന്ന് കരുതുക. എങ്കില്‍ കുഞ്ചാറു എന്താണു ചെയ്യുക.?" അല്പനേരത്തെ...

തലക്കുറി

        ബാര്‍ബര്‍ കുഞ്ചാറുവിന് അഞ്ചാം വരവിലാണ് സ്വാമികളുടെ കല്പനകിട്ടിയത്. "ഇന്നേയ്ക്ക് നാലാംനാള്‍ നിന്റെ മുന്നിലെത്തുന്ന ഒരു തല നിന്റെ തലയിലെഴുത്തുമാറ്റും." അതായിരുന്നു കല്പന. ആ വെള്ളിയാഴ്ച കല്പനകിട്ടിയവരില്‍ അവസാനത്തെ ആളായിരുന്നു കുഞ്ചാറു. തിരിച്ചെന്തെങ്കിലും ചോദിക്കാന്‍ നാവുപൊന്തിയില്ല. മിഴിച്ചിരിക്കുന്ന കുഞ്ചാറുവിനെ നോക്കി മന്ദഹസിച്ചുകൊണ്ട് സ്വാമികള്‍ വിശ്രമമുറിയിലേക്കു പോവുകയും ചെയ്തു. കൂട്ടുപാതയിലെ കല്ലത്താണിക്കടുത്തുള്ള കുഞ്ചാറുവിന്റെ ബാര്‍ബര്‍ഷോപ്പ് ആഴ്ചയില്‍ രണ്ടുദിവസമേ തുറക്കാറുള്ളു. ബുധനാഴ്ചയും ഞായറാഴ്ചയും. പുറമ്പോക്കിലെ പനമ്പട്ടമേഞ്ഞ ആ ബാര്‍ബര്‍ഷോപ്പ് എത്രയോ വര്‍ഷങ്ങളായി കാലത്തിന്റെ മാറ്റങ്ങളൊന്നുമറിയാതെ വിറങ്ങലിച്ചുനില്‍ക്കുകയാണ്. അന്നാദ്യമായി കുഞ്ചാറു തിങ്കളാഴ്ച...

ആറാമിന്ദ്രിയം

ആശ്രമത്തിലെ വടക്കുഭാഗത്തുള്ള വിശ്രമമുറിയുടെ ജാലകം തുറന്നിട്ടാല്‍ പെരുംകുള വരമ്പിലെ പാണ്ഡവപ്പനകള്‍ കാണാം. പങ്കജത്തിന്റെ ചിതയെ രിയുമ്പോള്‍ അര്‍ജുനപ്പന കടപുഴകിവീണതില്‍ പിന്നെ ശേഷിച്ച പനകളില്‍ ആരും സ്പര്‍ശിച്ചിട്ടില്ല. ഇടിമിന്നലേറ്റ് കത്തിപ്പോയ യക്ഷിപ്പനയുടെ സ്ഥാനത്ത് മൂന്നാല് കുറ്റിപ്പനകള്‍ തലപ്പൊക്കിയിരിക്കുന്നു. പ്രഭാഷണവും പ്രവചനവും കഴിഞ്ഞ് വിശ്രമമുറിയിലെത്തുന്ന അപ്പുമണിസ്വാമികള്‍ ചിലപ്പോള്‍ ജാലകം തുറന്നിട്ട് മണിക്കൂറുകളോളം പാണ്ഡവപ്പനകളെ നോക്കിനില്‍ക്കാറുണ്ട്. സ്വാമികളുടെ ഇന്നലെകളെക്കുറിച്ച് അറിയാവുന്ന ആരും ആ സമയത്ത് അദ്ദേഹത്തെ സമീപിക്കാറില്ല. ഒരുനാള്‍ ജാലകത്തിലൂടെ അങ്ങനെനോക്കി നില്‍ക്കുമ്പോള്‍ അരികിലെത്തിയ ശിഷ്യനോട്...

തീർച്ചയായും വായിക്കുക