Home Authors Posts by കെ.കെ.പല്ലശ്ശന

കെ.കെ.പല്ലശ്ശന

കെ.കെ.പല്ലശ്ശന
80 POSTS 0 COMMENTS
ആലുംപാറ, പല്ലശ്ശന പി.ഒ, പാലക്കാട്‌. Address: Phone: 9495250841 Post Code: 678 505

കാളസർപ്പ യോഗം

ജാതകത്തിൽ കാളസർപ്പ യോഗമുണ്ടെന്ന്  കണിയാർ പറഞ്ഞപ്പോൾ അതെന്തു മാരണമാണെന്ന് വാസുദേവനു മനസ്സിലായില്ല. അതു മനസ്സിലാക്കിയ കണിയാർ, കടുപ്പത്തിൽ ഒരു ശ്ലോകം ചൊല്ലി മനസ്സിലാകുന്ന ഭാഷയിൽ കാര്യം പറഞ്ഞു. "ഗ്രഹനിലയിൽ  രാഹു-കേതുക്കൾക്കിടയിൽ  അതായത്, സർപ്പഗ്രഹങ്ങൾക്കിടയിൽ മറ്റു ഗ്രഹങ്ങളെല്ലാം അകപ്പെട്ടു പോകുന്ന അവസ്ഥ. ജീവിതം, നടുവിൽ അടി കിട്ടിയ പാമ്പിൻ്റെ അവസ്ഥയിലാകും. അത്ര തന്നെ." ദക്ഷിണ വാങ്ങി കണിയാർ പടിയിറങ്ങി.വാസുദേവൻ ഓരോന്നാലോചിച്ച് പൂമുഖത്തു തന്നെ ഇരുന്നു.കാള സർപ്പയോഗത്തിന് പരിഹാരങ്ങൾ ചെയ്യണം. നല...

മരക്കുഴി

    "  മാഷേ, മരക്കുഴിയെത്തി. ഇറങ്ങിക്കോളൂ." പാതിമയക്കത്തിലായിരുന്ന അപ്പു മാഷുടെ ചുമലിൽ തട്ടിക്കൊണ്ട് കണ്ടക്ടർ അറിയിച്ചു. മാഷ് ധൃതിയിൽ എഴുന്നേറ്റ്  പുറത്തേയ്ക്കിറങ്ങി. മറ്റു രണ്ടു പേർ കൂടി ഇറങ്ങാനുണ്ടായിരുന്നു. "മാഷേ, നമസ്കാരം." ബസ് റ്റോപ്പിൽ നിന്നിരുന്ന ഒരു ചെറുപ്പക്കാരൻ മാഷെ കണ്ടപ്പോൾ അടുത്തേയ്ക്കു വന്നു. "രാമൻകുട്ടിയല്ലേ? താടിയും മീശയും വന്നപ്പോൾ ആളാകെ മാറിയല്ലോ." അപ്പു മാഷ് ഒന്നു പുഞ്ചിരിച്ചു. രാമൻകുട്ടിയും ഒന്നു ചിരിച്ചെന്നു വരുത്തി. "ഓർമയുണ്ടോ,വർഷങ്ങ...

എം.ആർ

        ഒന്നാം ക്ലാസ്സിലേക്ക്  പ്രവേശനത്തിനെത്തിയത് അമ്പത്തൊന്നു കുട്ടികൾ. ഇംഗ്ലീഷ് മീഡിയത്തിലേക്ക്  അമ്പതു പേരും മലയാളം മീഡിയത്തിലേക്ക് ഒന്നും ! ഒന്നെങ്കിലും ഉണ്ടല്ലോ എന്നു സമാധാനിച്ചു. മാതൃഭാഷയുടെ മാനം കാത്ത  ആ കുട്ടിയെ നേരിൽ കണ്ട് ഒരു സമ്മാനം നൽകണം. കുട്ടിയെ കണ്ടപ്പോൾ കണ്ണു തള്ളിപ്പോയി.വലിയ തലയും ചെറിയ ഉടലും .......... " എം.ആർ  ആണ്." ക്ലാസ് ടീച്ചർ പതിഞ്ഞ ശബ്ദത്തിൽ പറഞ്ഞു.      

ആർട്ടിസ്റ്റ്

  "അച്ഛാ, ഗാന്ധിജി ഒരു ഹംഗർ ആർട്ടിസ്റ്റാണോ?" സ്കൂളിൽ നിന്നും എത്തിയ ഉടനെ കുട്ടി ചോദിച്ചു. അയാൾ മിഴിച്ചിരിക്കുന്നതു കണ്ട് കുട്ടി തുടർന്നു: "ടീച്ചർ അങ്ങനെ പറഞ്ഞു. " ഒരു നെടുവീർപ്പായിരുന്നു അയാളുടെ മറുപടി. "  മഹാത്മാവേ, മാപ്പ് " - അയാൾ മനസ്സിൽ മന്ത്രിച്ചു. "    

ഒരു ജാതി ഒരു മതം

      മുഖ്യ പ്രഭാഷകൻ തുടർന്നു: "മനുഷ്യർ ഒറ്റ ജാതി. മനുഷ്യത്വം എന്ന മതം - അതു മതി." ശ്രോതാക്കൾ നിർത്താതെ കൈയടിച്ചു. "ഇതാണ് പ്രസംഗം. ഇതാണ് ദർശനം". എല്ലാവരും ഏകസ്വരത്തിൽ പറഞ്ഞു. മുഖ്യ പ്രഭാഷകൻ വീട്ടിലെത്തി. മൂന്നു ദിവസമായി മുറിയിൽ പൂട്ടിയിട്ടിരിക്കുന്ന ഏക മകളുടെ മുന്നിലേയ്ക്കു ചെന്നു. " നിൻ്റെ ആഗ്രഹം ഒരിക്കലും നടക്കാൻ പോകുന്നില്ല. ഒരു കീഴ്ജാതിക്കാരനുമായുള്ള വിവാഹം എൻ്റെ അനുവാദത്തോടെ നടക്കുമെന്ന് കരുതേണ്ട. അതിലും ഭേദം മരണമാണ്. " അയാൾ  മുറി പൂട്ടി പുറത്തു കട...

ഓണപ്പുലികൾ

      പൊന്നോണത്തിനു പുലിയെത്തി പെരുവയറൻ പുലി പലമട്ടിൽ! വരയൻ പുലികൾ  ചെമ്പുലികൾ കരിനിറമേറും  ചെറുപുലികൾ വെള്ളപ്പുലികൾ  വൻ പുലികൾ പുള്ളിപ്പുലികൾ  പുപ്പുലികൾ ഓണത്തപ്പനു കണ്ടു രസിക്കാൻ ഓണപ്പുലികൾ  പലമട്ടിൽ ചെണ്ടക്കാരുടെ ചുറ്റും പുലികൾ കൊട്ടിനു പാകം തുള്ളുന്നു വേട്ടക്കാരോ തോക്കും ചൂണ്ടി വട്ടംചുറ്റി  നടക്കുന്നു ഓണത്തപ്പനു  കണ്ടു രസിക്കാൻ ചേലേറുന്നൊരു പുലിയാട്ടം.    

മഹാബലി

കുടവയറില്ല,  കോമാളിയല്ല മടിയില്ലൊരോലക്കുട പിടിക്കാൻ തേരില്ല, പല്ലക്കിലല്ല യാത്ര നേർവഴി വിട്ടു നടന്നതില്ല. പൊന്നിൻ കിരീടവും പൊൻവളയും മിന്നുന്ന മാലയും ചേലകളും ഭൂഷണമല്ലെന്നറിഞ്ഞ മന്നൻ വേഷമൊരാഘോഷമാക്കിയില്ല ത്യാഗമാണവിടത്തെ പൊൻ മകുടം ന്യായവും നീതിയുമാഭരണം ജാതി -മത- വർണ ചിന്തകൾക്ക് വേരില്ലാമണ്ണിൻ്റെ മന്നനല്ലോ. നൽകിയ വാക്കുപാലിക്കുവാനായ് തൻതല കാണിച്ച ത്യാഗമല്ലോ. ഓണമൊരോർമ പുതുക്കലാണ് വേണം നമുക്കെന്നുമീബലിയെ .      

ഓണക്കൊന്ന

( ഓണക്കാലത്ത് പൂത്തു നിൽക്കുന്ന കണിക്കൊന്നയെ കണ്ടപ്പോൾ .....) നാണമില്ലേ കണിക്കൊന്നേ ആവണി മാസത്തിലിങ്ങനെ പൊന്നണിഞ്ഞൊരുങ്ങുവാൻ മറവിയോ ,ധിക്കാരമോ? കാലത്തിൻ കല്പനയല്ലയോ കർണികാരമേ തെറ്റിച്ചു നീ കലികാലവൈഭവമെന്നു വിലപിക്കുന്നു കാരണോർ നിന്നെക്കണ്ടു പിണങ്ങിയോ പൊന്നോണപ്പൂവുകൾ? കാൺമതില്ലെവിടെയും വെൺ തുമ്പകൾ , മുക്കുറ്റിയും കണ്ണിനാനന്ദമെങ്കിലും കർണികാരത്തിനാകുമോ തിരുമുറ്റത്തൊരുക്കുവാൻ തിരുവോണപ്പൂക്കളം ? ആഴിയോളമാശിച്ചുവോ നീ ആവണിപ്പൂവാകുവാൻ! അതിമോഹമ...

അശ്രീകരം

        കുമാരൻ മാഷ് കലിപ്പോടെയാണ് സ്റ്റാഫ് റൂമിലെത്തിയത്. " ആ  അശ്രീകരം ഗേറ്റിനു വെളിയിൽ ചുറ്റിപ്പറ്റി നിൽക്കുന്നുണ്ട്. " മാഷുടെ വാക്കുകളിൽ അരിശം അണപൊട്ടി. "ഞാനും കണ്ടു. അകത്തു കടന്നാൽ കാലു തല്ലിയൊടിക്കുമെന്ന് വിരട്ടിയിട്ടാണ്  പോന്നത്. " രവി മാഷ്  കസേരയിലേയ്ക്കു മലർന്നു കൊണ്ട് അറിയിച്ചു. " അതവിടെ നിന്നോട്ടെ മാഷേ. അകത്തു കടക്കാതെ നോക്കിയാൽ പോരേ " സുമതി ടീച്ചർ ഇടപെട്ടു. "അതേ, എത്രയായാലും മാതൃഭാഷയല്ലേ." അജിത ടീച്ചർ  പതിഞ്ഞ ശബ്ദത്തിൽ പറഞ്ഞു...

കഥാപാത്രങ്ങൾ

എഴുത്തുകാരൻ ഒരു ബസ് യാത്രയിലാണ് തൻ്റെ കഥയിലെ പ്രധാന കഥാപാത്രത്തെ കണ്ടുമുട്ടിയത്. "നമസ്കാരം. കണ്ടത് നന്നായി. ടിക്കറ്റെടുക്കാൻ പൈസയില്ല. സാറ് സഹായിക്കണം." കഥാപാത്രം അടുത്തുചെന്ന് ആവശ്യപ്പെട്ടു. അയാൾ നന്നായി മദ്യപിച്ചിട്ടുമുണ്ട്."ഒരു പാലക്കാട്. " മറിച്ചൊന്നും പറയാതെ എഴുത്തുകാരൻ കഥാപാത്രത്തിനു വേണ്ടി ടിക്കറ്റെടുത്തു. "സാറ്, എണീറ്റാൽ ഈ പാവത്തിന് ഒന്നിരിക്കാമായിരുന്നു." കഥാപാത്രം അവശത ഭാവിച്ചുകൊണ്ട് പറഞ്ഞു. എഴുത്തുകാരൻ ഒരു നിമിഷത്തെ ആലോചനയ്ക്കൊടുവിൽ സീറ്റൊഴിഞ്ഞു കൊടുത്തു. കഥാപാത്രം സീറ്റി...

തീർച്ചയായും വായിക്കുക