Home Authors Posts by ജയപ്രകാശ് ഒളരി

ജയപ്രകാശ് ഒളരി

2 POSTS 0 COMMENTS

ദീപശിഖാ പ്രയാണം: അമറുന്ന തോക്കും ഗര്‍ജ്ജിക്കുന്ന പേനയും!

'' നിറ തോക്കുകളമറുന്നു ഇരുള്‍ വാഴും മേടുകളില്‍ ഭയശീഘ്രം മടങ്ങുന്നു മാറിലുദരത്തിലുണ്ടകള്‍ ചോന്ന് വീണിടത്തും ഗര്‍ജ്ജിക്കുന്ന പേനകള്‍ മറവിപ്പെരുങ്കാറ്റേറെ പെയ്തു തോര്‍ന്നിട്ടും കെടാതെ ജ്വലിക്കുന്ന ഉണര്‍ത്തക്ഷരങ്ങള്‍ പന്‍സാരെ, ധാബോര്‍ക്കര്‍, കല്‍ബുര്‍ഗി ഇപ്പോള്‍ ഗൗരിയും! മയങ്ങുവാന്‍ മാത്രം ജീവിക്കുന്ന ഒരു ജനതയുടെ മേധയില്‍ ഉണ്മവിളക്കുവാന്‍ കെടാത്ത പേനയുടെ ഈ ദീപശിഖാ കൈമാറ്റങ്ങള്‍! കൊലഗീതമാത്രം ഘോഷിക്കുന്ന തോക്കുകള്‍ വിജയം ഘോഷിച്ച് ഇരുളിന്ത്യവാഴും സുഖമേടയില്‍ മടങ്ങുന്നു. ആദര്‍ശശിരസ്സറുക്കുവാന്‍ മാത്രം അറിയും ഈ അപമര്യാദാ- പുരുഷോത്തമരാമാശ്വമേധങ്ങള്‍! അന്ധ നീതിതന്‍ ഭേരി മുറുമുറുക്കും സനാതനത്വം അറിഞ്ഞിട്ടില്ല, പക്ഷെ; മഷിച്ചോരയൊലിച്ചു തീരുമ്പോഴും നിസ്സൗമ്യം ഗര്‍ജ്ജിക്കുമീ പേനകള്‍ തന്‍ ശൗര്യം! പന്‍സാരെ, ധാബോര്‍ക്കര്‍, കല്‍ബുര്‍ഗി ഇപ്പോള്‍‍ ഗൗരിയും. അന്ധതചുമക്കുവാന്‍ മാത്രം ഇരുള്‍തിന്നു കഴിയും ഒരു ജനതയുടെ മേധയില്‍ വെട്ടം പടര്‍ത്തുവാന്‍, ഇരുളും കത്തിച്ചാമ്പലാക്കീടുവാന്‍, അണയാതെ...

മഹാത്മാവേ……

'' മഹാത്മാവേ കുറുക്കന്റെ കണ്‍കളുള്ള സമാധാനം ചവയ്ക്കുന ഒരാടായിരുന്നു അങ്ങ്! അനുഗമിക്കുവാന്‍ മാത്രം ശീലിച്ചിട്ടുള്ള കാലികള്‍ അങ്ങയെ പിന്‍തുടര്‍ന്നു അങ്ങയുടെ കണ്‍കള്‍ ആശയങ്ങളുടെ നിറപ്പകര്‍ച്ചകള്‍ ഒരിടത്തുമങ്ങുറച്ചു നിന്നില്ല പാതിവഴിയില്‍ പിന്തിരിയുന്ന അങ്ങ് നിലാവിലോ വെയിലിലോ നിഴല്‍തമസില്‍ പോലുമോ, ഒരൊറ്റ ഓരി പോലും ശബ്ദിച്ചില്ല. മഹാത്മാവേ; ധൂളി ചിതറുന്ന ഹാസം കുറുക്കന്റെ കണ്‍കളുള്ള സമാധാനം ചവയ്ക്കുന്ന ഒരാടായ അങ്ങ്; പ്രതിമയായോ പടമായോ അനുഗമിക്കപ്പെടുവാന്‍ മാത്രം ശീലമാക്കിയ പട്ടികള്‍ തിങ്ങിയൊരു രാഷ്ട്രം അങ്ങേക്ക് തിലോദകമാകുന്നു ഇപ്പോള്‍‍ പട്ടികള്‍ മാത്രം തിങ്ങിനിറഞ്ഞൊരു രാഷ്ട്രം അങ്ങേയ്ക്കു തിലോദകമാകുന്നു!''

തീർച്ചയായും വായിക്കുക